තමා ශ්රී ලංකාව සමග පවත්නා හිතෛෂීවන්තභාවය තවදුරටත් තහවුරුකර අන්යෝන්ය දේශපාලන විශ්වාසය අඛණ්ඩව පවත්වාගෙන ද්විපාර්ශීය සාමග්රීයාත්මක බන්ඳනය මත සංවර්ධනය තහවුරුකිරීමේ ක්රීයාශීලීමාර්ගය බලගන්වන බව චීන අගමැතිවරයා අපේ අගමැතිවරයාට දුරකථන ඇමතුකින් ප්රකාශකර තිබේ.
ශ්රී ලංකාව මේවනවිට අත්විඳිමින් සිටින දුෂ්කරතා සහ මුහුණපා සිටින අභියෝග ගැන අකම්පහළ (කනගාටු) වෙන බවද තමාගේ ශක්ති ප්රමාණයෙන් අත්යාවශ්යම මානුෂීය සහන සපයන බවට ද දුරකතනයෙන්ම සපතකර තිබේ.
චීන ජාත්යන්තර සංවර්ධන සහයෝගිතා කොමිසම විසින් මිලියන දෙසියයක්(20,00,00,000)මානුෂීය සහනාධාර වශයෙන් ශ්රී ලංකාවට සපයනු ලැබීමට පොරොන්දු වූ වහාම චීන අගමැතිවරයා අපේ අගමැතිවරයාට දුරකථනයෙන් කතා කර මේ ටික කියාතිබේ.
චීනා මේ අන්දමින් ශ්රී ලංකාවට මානුෂීය සයනාධාර දීමට තරම් සත්ව කරුණාව හිතේ ඇති කරගෙන ඇතත් මෙතෙක් ඇති ණය කන්දරාව ප්රතිව්යුහගත කරන දෙන ලෙසට ශ්රී ලංකාව විසින් කරන ලද ඉල්ලීම නම් “කට ගන්නටත් පෙරම”ප්රතික්ෂේප කළේය.සංඛ්ය ලේකන පවසන න්දමට ශ්රීලංකාව ජාත්යන්තරයට ඇති ණය ප්රමාණයෙන් සියයට දහයක්ම(10%)ඇත්තේ චීනයටය.
ඒ නිසා ඒ ණය ප්රතිව්යුහගත කර දෙන ලෙසට ශ්රී ලංකාව කීපවරක්ම“කණපින්දම්”(නාහෙන් ඇඬීම)ගෑවත් එය නෑසුණුගාණට වගේවගක් නැතුව සිටිමින් කොළඹ වරාය නගරය ආදී කටයුතු නිසා තමනුත් “හිරවී”සිටින බව කියා පෑවේය.
එ හෙත් ණය ප්රතිව්යුහගත කිරීම එක හෙළාම ප්රතික්ෂේප කළ චීනා ශ්රී ලංකාව වැටී සිටින ආර්ථික ප්රපාතයෙන් ගොඩ ඒමට සහ ජාත්යන්තර ණය ගෙවන්නට නම් තවත් ලොකු ණය මුදලක් දීමට“එක පයින්ම”සූදානම් බව ඒ හැමවිටම කීවේය.
චන්ද්රසේන මාරසිංහ
