පාකිස්තානයේ වාර්ෂික දේශපාලන උද්ඝෝෂණයක් වන ආරත් පාගමන මෙවර නොපවත්වන ලෙසට ආණ්ඩු පක්ෂය වන “ටෙහ්රීක් ලබ්බයික්” පක්ෂය එරට විරුද්ධ පක්ෂයට දන්වා තිබේ.
උත්සවය එ සේ පැවැත්වීම සමාජ සහ ඉස්ලාමීය ආචාර ධර්මවලට පටහැනි බව ඊට හේතුව වශයෙන් පෙන්වා දී තිබේ.
පක්ෂනාක හෆීස් සාද් රිස්වි ඒ වෙනුවට මුම්ටාස් ක්වාද්රිගේ වර්ෂපූර්ණ ගුණානුස්මරණය සිහිපත්කරමින් බාරාකාලු දක්වා පෙරහරක් පැවැත්වීමට නියමිතය.
වාර්ෂික ආරත් පාගමන පැවැත්වෙන මාර්තු 8 වැනිදා ජාත්යන්තර කාන්තා දිනය ද යෙදෙන අතර පාගමනට සහභාගි වන්නන් සදාචාරාත්මක නොවන අන්දමේ සටන්පාට කියන බැවින් ඒ උත්සවය නොපැවැත්විය යුතු බව රාවල්පිණ්ඩි ප්රදේශයේ “ටෙහ්රීක් ලබ්බයික්” පක්ෂයේ විශ්රාමික පාලක(එමීර්)මජ් අහමඩ් යාකුබ් සායිෆ් පවසයි.
පාගමන අවහිර කිරීමට බලය යෙදවිය යුතු බව දින කීපයකට පෙර “ජමයිත් අයි උලමා සංවිධානය”නිවේදනය කෙළේය.
එ හෙත් ඒ අවහිර කිරීම ඉස්ලාමාබාද් නගරයට පමණක් සීමාවන්නක් ද?එ සේ නැතහොත් කවර ප්රදේශයකට අදාලව කෙරෙන්නක් විය යුතු දැයි යන්න ද එම නිවේදනයේ පැහැදිලිව දක්වා නොතිබිණි.
එදින පැවැත්වෙන පෙරහරේ කහ්නා පාලමේ සිට බාරාකාලු දක්වා කොටසේ දී නායකත්වය ද උත්සවයේ ආගමික වතාවත් හා එහි ප්රධාන දේශනය ද “ටෙහ්රීක් ලබ්බයික්” පක්ෂයේ මධ්යම පාලක හෆීස් සාද් රිස්වි පවත්වනු ලබන බව විශ්රාමික පාලක(එමීර්)මජ් අහමඩ් යාකුබ් සායිෆ් පැවසුවේය.
මුම්ටාස් ක්වාද්රි හිටපු හමුදා කමාන්ඩෝ නිලධාරියෙකි.හෙතෙම පන්ජාබයේ හිටපු ආණ්ඩුකාර සලමන් තසීර් ඝාතනය කෙළේය.ඒ නිසා ඔහු 2016.02.29 දිනැ “අදිආලා” බන්ධනාගාරයේ දී එල්ලා මරාදමනු ලැබුවේය.
පක්ෂනායක හෆීස් සාද් රිස්වි පිළි ගැනීමේ උත්සවය“ලිආකුවැට් බා”ස්ථානයේ පැවැත්වීමට මුලදී තීරණය කළ බව විශ්රාමික පාලක(එමීර්)මජ් අහමඩ් යාකුබ් සායිෆ් ප්රකාශ කෙළේය.
එ හෙත් ඒ ආසන්න ක්රිකට් ක්රීඩාංගණයේ පැවැත්වෙන ක්රිකට් තරගාවලියක් වෙනුවෙන් අතිරේක ආරක්ෂාවක් යෙදවීමට හේතුවී ඇති නිසා උත්සවය නගරයෙන් පිටත ස්ථානයක පවත්වන ලෙසට පොලිසිය සහ ප්රදේශයේ පරිපාලනායතනය ඉල්ලා සිටි බව පක්ෂනාක හෆීස් සාද් රිස්වි පැවසුවේය.
චන්ද්රසේන මාරසිංහ
