යුධ උණුසුම ගිනියම් වූ යුක්රේනයෙන් ඉන්දියානුවන් ඉවත්කර ගැනීම සඳහා ජාත්යන්තර ගුවන් සේවය (ඉන්ඩිගෝ) ඇතුළුව ඉන්දියානු ගුවන් සේවා ගණනාවක් පසුගිය සඳුදා වන විට දැවැන්ත මෙහෙයුමක් ක්රියාත්මක කර තිබිණි.
එයාර් ඉන්දියා එක්ස්ප්රස්,ස්පයිස් ජෙට් ඉන්දියා සහ විසිතාරා ගුවන් සේවා ඇතුළුව ක්රියාත්මක කෙරුණු මානුෂික සේවාව “ගංගා මෙහෙයුම” ලෙසින් හඳුන්වනු ලැබ තිබිණි.
මේ හැරෙන්නට,හංගේරියානු,සහ රොමේනියානු ගුවන් සේවා ආයතන ගණනාවක් ද මානුෂීය ප්රවාහන සේවයේ නිරත ව පෝලන්තය දක්වා ගමන් ආරම්භ කර තිබිණි.
යුද්දයට මැදිවුණු ඉන්දීය වින්ඳිතයන් දේශසීමාවෙන් ඉවත් කරවා ගැනීමට පහසුකම් සලසනු පිණිස ඉන්දියා අගමැති නරේන්ද්ර මෝධි විසින් කැබිනට් අමාත්යවරුන් සිව්(4)දෙනෙකුම නැගෙනහිර යුරෝපයට පිටත් කරනු ලැබ ඇත්තේය.
මේ වන විට විශාල පිරිසක් මව් බිමට(ඉන්දියාවට) පැමිණිය නොහී දේශ සීමාවේ හිරවී සිටින බව වාර්තාවී ඇති හෙයින් අගමැතිවරයා එම පිවර ගෙන තිබේ.
මේ සඳහා “මෝල්ඩෝව” ඔස්සේ නව ගමන් මාර්ගයක් ද විවරකර ගෙන ද තිබේ.
ඉන්දීය විදේශ කටයුතු අමාත්යාංශයේ “අරින්දම් භගාජි” නිවේදනය කර ඇති අන්දමට මේවනවිට ඉන්දියානුවන් අට දහසක් (8,000)දෙනා යුක්රේනය හැරපියා සිය රටට පැමිණ ඇත්තාහ.
යුද්දයට මැදිවූවන් ආපසු කැඳවා ගෙන ඒම සඳහා ඉකුත් සිකුරාදා ඇරඹි “ගංගා හෙහෙයුමෙන්”(මානුෂීය ගුවන් ගමන් සේවය)බුකාරෙසස්ට් සහ බුඩාපේස්ට් යන ප්රදේශවල සිටි එක් දහස් තුන්සිය අනූ හය දෙනකු(1,396)මේ වන විටසිය රටට ගෙනැවිත් ඇත.
පසුගිය අඟහරුවාදාත් එකසිය අසූ දෙදෙනෙක්(182)කැටුව ඒමට නියමිතව උන්නාහ.
බුකාරෙසස්ට් සහ බුඩාපේස්ට් යන ප්රදේශවලින් සෙනග ගෙන ඒමට තවත් ගුවන් ගමන් හතරක්(4)සේවයේ යෙදවීමට නියමිත බව“ඉන්ඩිගෝ”ගුවන් සේවාවේ ප්රකාශකයෙක් කීවේය.
ඉන් ගුවන් ගමන් දෙකක් දිල්ලියේ සිට ඉස්තාන්බුල් ඔස්සේ බුඩාපේස්ට්,හංගේරියාව සහ පෝලන්තයටත් පියාසර කිරීමට නියමිත විය.
චන්ද්රසේන මාරසිංහ
