කේන්දර ගැන දැනගෙන හිටියට ඔබ එහි කොටු දොළහෙ තිබෙන බලය දැනගෙන හිටියෙ නෑ නේද? මේ තියෙන්නෙ ඒ ඒ කොටුවලට අදාළව කේන්දරේ ඔබට බලපාන විදියයි.
- භාවකාරකක්වය ලග්න භාවය
ජීවිතය, ශරීරය, ශරීර සෞඛ්යය, කායික පෙනුම, තරාතිරම, හිස, මුහුණ, ගුණධර්ම, පෞරුෂය, ගෞරවය, ජන්ම පත්රයේ ශක්තිමත් බව, ආත්මය, කීර්තිය, දැනුම, මොළය, නළල, රවිකාරක වේ. - ධන ස්ථානය
පොහොසත්කම්, බැංකුවල මුදල්, ආහාර, දකුණු ඇස, පවුල, කතාව, ඉවසීම, ලාභ, නියපොතු, කම්මුල, නිකට, දිව, උරුමයෙන් ලැබෙන දේ, අධ්යාපනය, කථිකත්වය, ජීවිතය පවත්වාගෙන යෑමේ ශක්තිය, උගුර, කන්, කට, ගුරුකාරක වේ. - වික්රම ස්ථානය
නුවණ, ලිපි ගනුදෙනු, කෙටි ගමන්, තැපැල්, දුරකතන, සන්නිවේදන, කටකතා, හැකියාව, සහෝදරයන්, ධෛර්යය, කුඩා වාහන, බලය, පරාක්රමභාවය, ශිල්ප, ජීවිතය ගෙන යෑමේ ශක්තිය, බාහු සහ අත දරන්නා වූ කරුණු, පෙනහලු, කුජකාරක වේ. - මාතෘ ස්ථානය
නිවාස, ඉඩම්, මව, රථවාහන, ධන සම්පත්, කුලියට, බද්දට දීම හෝ ගැනීම, ගෘහ ජීවිතය, උරුමය, පදිංචිය, සිතේ සැනසීම, ලේ ඥාතීන්, චරිතය, ගෘහ නිර්මාණ ශිල්පිය, අධ්යාපනයට නැඹුරුතා, නව නිවෙසක පදිංචි වීම, සොර බඩු සඟවා තබන ස්ථානය, තෘෂ්ණාව මැඬපැවැත්වීමේ හැකියාව, ප්රාථමික ඉගෙනීම, පපුව, හෘදය, සඳුකාරක වේ. - පුත්ර ස්ථානය
දරුවන් පිළිසිඳගැනීම, ගබ්සා වීම, අධ්යාපනය, ආදර සබඳතා, ක්රීඩා, කලා නිපුණත්වය, විනෝද කටයුතු, නිර්මාණ, ව්යාපාර කොටස්, සූදුව, පරතෙරට ඉගෙනීම, මන්ත්ර, ශිෂ්යත්ව, තානාපතිවරුන්, ඇමැතිවරු, නාභියෙන් ඉහළ, පපුවෙන් පහළ, ගුරුකාරක වේ. - සතුරු ස්ථානය
සතුරන්, රෝග, මෙහෙකරුවන්, මාමාවරු, කුලී නිවැසියන්, සොර බිය, අසනීප පැවැතීම හෝ සුවවීම, ණය දීම හෝ ගැනීම, සුරතල් සතුන්, දුක්වීම, යමක් භාරගැනීමේදී ඇතිවන බාධා, ලෙඩුන්ට උපස්ථාන කිරීම, සැරව සහිත ගෙඩි, අයුතු චෝදනා, වෛර කිරීම, විෂ, බඩේ අමාරු, ඉගෙනී මඳ බව, බලාපොරොත්තු කඩවීම, ශ්රමය, යටි බඩ, ගර්භාෂය, ශනිකාරක වේ. (සතුරන් වනුයේ අප සිත තුළ පවත්නා ක්රෝධය, ඊර්ෂ්යාව, මත්වීම, කාමය, ලෝභය, මෝහය.) - කලත්ර ස්ථානය
විවාහය, සැමියා, බිරිය, ගිවිසුම්, හවුල්කරුවන්, නඩුවලට සම්බන්ධ වීම, නඩුකීම, මිලට ගැනීම, විකිණීම, ශුක්ර ධාතුව, විදේශ රටවල්, පදිංචිය වෙනස් වීම, තෘෂ්ණාව, ආත්මාර්ථකාමිත්වය, සැපසම්පත්, තාඩන පීඩන, තුනටිය, වකුගඩු, කාම ශක්තිය, සිකුරුකාරක වේ. - ආයුෂ ස්ථානය
අඳුරු බව, විනාශය, දීර්ඝායුෂ, මානසික වේදනා, ශෝක වීම, බාධා, අවහිර, අන්තිම කැමැති පත්ර, දෑවැද්ද, ලක්ෂණය, කතාව ගොතගැසීම, මැරණු අයගේ උරුමයන්, උපයා නොගත් ධනය, අවමානය, කළ පව්, රාජ දඬුවම්, ධන හානි, අවාසනාවන්ත සිදුවීම්, නපුරු ක්රියාවල නිරත වීම, ආශාව, හිසගසා දැමීම, අත් පා කැපීම, අනතුරු, කල් පවත්නා රෝග, සියදිවි නසාගැනීම, දියේ ගිලී මරණය, පූර්ව භවයන්හි කරන ලද අකුසල්, ශරීරය පිරිසිදු කිරීමේ ක්රියාවලිය, රහස් ප්රදේශය, මුත්රාශය, මළ මාර්ගය, ශනිකාරක වේ. - ධර්ම ස්ථානය
ආගම දහම, වාසනාව, සමෘද්ධිය, ඉගෙනීමට දරන උත්සාහය, සංචාර, පියා, දීර්ඝ ගමන්, දර්ශනවාදය, විදේශ රටවල කරන ගුවන් ගමන්, නීතිය, ආගමික ස්ථාන, පොත්පත් ප්රකාශනය, ධාර්මික මිනිසුන් ඇසුර, උසස් අධ්යාපනය, පෙර භවයන්හි කරන ලද කුසල්, කළවා ප්රදේශය, ගුරුකාරක වේ. - කර්ම ස්ථානය
ගෞරවය, ප්රසිද්ධිය, සම්මාන, රජයේ වෘත්තිය, රජය, නිලය, බලය, පිළිගැනීම, ජනප්රියත්වය, රාජ්ය අනුග්රහය, වෛද්යවරයා, දණහිස්, ඇට, රැකියාව, දියුණුව, බුධ-ගුරු-ශනි-රවිකාරක වේ. - අය ස්ථානය
මිත්රයන්, බලාපොරොත්තු, සියලු මාර්ගවලින් ලැබෙන ආදායම්, ලාභ, පොදු සේවා, අසනීපයෙන් සුවය ලැබීම, වාසනාව උදාවීම, අහිමි වී ගිය ධනය, වැඩිමහල් සොහොයුරන්, කර්මයන් ගෙවා ලබාගත් දෙය, කෙන්ඩා, නහර, වළලුකර, ගුරුකාරක වේ. - වැය ස්ථානය
දෙපා, සතුරන්ට බියවීම, සතුරන්, මෝක්ෂය, වම් ඇස, රැකියාව, අවසන් කිරීම, චිත්ත පීඩා, ණයවලින් මිදීම, නින්දට බාධා, ප්රීතිය අහිමි වීම, ශරීරය තුවාල වීම, අංගවිකල බව, හිංසාවලට ලක්වීම, සීමාකිරීම, පණිවුඩ හුවමාරුවට ඇති බාධා, භාවනා ක්රම පුරුදු වීම, යාඤා කිරීම, වංචාව, සැකය, ගුප්ත ශාස්ත්ර ඉගෙනීම, රෝල්ගත වීම, පදිංචි ස්ථානයෙන් වෙනත් තැනකට යෑම, බන්ධනාගාරගත වීම, බැඳීම් අතහැරීම, දෙවියන් අවබෝධ කරගැනීම, මමත්වය දුරුකිරීම, යටිපතුල, සෙනසුරුකාරක වේ.
ප්රවීණ ජ්යොතිෂවේදී, සත්යජිත් සම්පත්
