මේ දෙසැම්බර්
සාමාන්ය පෙළ විභාගයට ඉදිරිපත් වන දරුවකුගේ අම්මයි, තාත්තයි දරුවාගේ කේන්දරේ දීලා කිව්වා “ළමයා මේ දෙසැම්බර් අ.පො.ස. සාමාන්ය පෙළ කරනවා. තව තියෙන්නේ මාස දෙකයි. ඒත් විභාගයක් ගැන වගක්වත් නැහැ. සින්දු අහනවා, ටී.වී. බලනවා, මල්ගස් ළඟ ඉඳන් සෙල්ෆි ගහනවා. ඇතිවෙන්න නිදාගන්නවා. අලුත් ඇඳුම් ලස්සනට ඇඳගෙන පැණිරස කෑම තමයි වැඩිපුරම කන්නේ. මෙයාට මොකක්ද වෙලා තියෙන්නේ?” කියලා.
ජන්ම පත්රයක අධ්යාපනය ගැන ප්රධාන වශයෙන්ම කියැවෙන්නේ පස්වැනි භාවයෙන්. පස්වැන්නේ පාප ග්රහයෙක් තැන්පත්ව සිටි විට ඉගෙනීමට බාධක ඇතිවෙන්න පුළුවන්. පස්වැන්නට ඉතාම නරක ග්රහයන් දෙන්නා හැටියට ශනි සහ රාහු හඳුන්වන්න පුළුවන්. කේන්දරයක ලග්නාධිපති ග්රහයා නීචව හෝ සතුරුව ශනි, රාහු වැනි පාප ග්රහයන් සමඟ සංයෝගව 6, 8, 12 වැනි ස්ථානයක තැන්පත් නම් කේන්දර හිමියා ඉගෙනීමට දක්වන උනන්දුව අඩුවෙන්න පුළුවන්.
ඒ වගේම තමයි, කේන්දරයක පස්වැනි භාවයේ අධිපති ග්රහයා පාප ග්රහයන් සමඟ සංයෝග වීමත්, 6, 8, 12 වැනි දුෂ්ට ස්ථානයක සිටීමත් අධ්යාපනයට බාධා ගෙනදෙන පිහිටීමක්. එක් එක් ලග්නයට ලග්නාධිපති සහ පස්වැන්න අධිපති වන්නේ කවුද කියන එක පහත වගුවෙන් ඔබට බලාගන්න පුළුවන්.
ලග්නය ලග්නාධිපති පස්වැන්න අධිපති
මේෂ කුජ රවි
වෘෂභ සිකුරු බුධ
මිථුන බුධ සිකුරු
කටක සඳු කුජ
සිංහ රවි ගුරු
කන්යා බුධ ශනි
තුලා සිකුරු ශනි
වෘශ්චික කුජ ගුරු
ධනු ගුරු කුජ
මකර ශනි සිකුරු
කුම්භ ශනි බුධ
මීන ගුරු සඳු
ඉගෙනීම ලබන දරුවන්ට හොඳ මතක ශක්තියක් ඇති වෙන්නේ බුධ ග්රහයා බලවත්ව සිටි විටයි. බුධ ග්රහයා මිථුන, කන්යා රාශි දෙකෙන් එකක සිටි විටද හොඳ මතක ශක්තියක් ඇති වෙනවා. බුධ, කටක, මීන යන රාශිවලදී දුර්වල වන නිසා එම රාශිවල බුධ තැන්පත් වූ විට කේන්දර හිමියාට ඉගෙනීමේ කටයුතුවලට බාධක ඇතිකරනවා.
ජන්ම කේන්දරයක ග්රහයන්ට අමතරව විභාගයට ඉදිරිපත් වන දරුවාගේ විභාගයට උත්තර ලියන අවස්ථාව වන විට පවතින දශාව ගැනද සොයා බලන්න ඕනේ. කේන්දරයක උපන් දින සිට ඉදිරියට පවතින දශාව වර්ෂ… මාස… දින… වශයෙන් සඳහන් වෙනවා. එම වර්ෂ, මාස, දින ගණන උපන් දිනයට එකතු කළ විට උපතේදී පැවති දශාව අවසන් වන දිනය ලබාගන්න පුළුවන්. ඒ ඒ ග්රහයාට අයත් විංශෝත්තරී දශා කාලය පිළිවෙළින් සඳහන් කළොත් රවිට අවුරුදු 6යි, සඳුට අවුරුදු 10යි, කුජට අවුරුදු 7යි, රාහුට අවුරුදු 18යි, ගුරුට අවුරුදු 16යි, ශනිට අවුරුදු 19යි, බුධට අවුරුදු 17යි. කේතුට අවුරුද 7යි, සිකුරුට අවුරුද 20යි.
සාමාන්යයෙන් රාහුගේ මහ දශා, අතුරු දශා ගෙවෙන දරුවන්ට පාඩම් කිරීමට සිත එක අරමුණක තබා ගැනීමට නොහැකි බවයි පෙනෙන්නේ. ඒගොල්ලො පාඩම් කරන්න වාඩි වුණාට හිත වෙන වෙන අරමුණු ඔස්සේ දුවනවා. ටික වේලාවකින් පාඩම් කිරීම නවත්වලා නැඟිටලා යනවා. සිකුරුගේ මහ දශා, අතුරු දශා ගෙවෙන දරුවන්ගේ ක්රියාකලාපය මීට වෙනස්. ඒගොල්ලෝ නිතරම ලස්සනට, පිරිසුදුවට ඉන්නයි බලන්නේ. ටී.වී. බලන්න, සින්දු අහන්න තමයි වැඩිය කැමැති. ලස්සන පරිසරවල ඉඳන් සෙල්ෆි අරගෙන තමන්ගේම ලස්සන බල බල සතුටු වෙනවා. මේවා කර කර විභාග පාස්වෙන්න අමාරුයි. සිකුරු සුබ ග්රහයෙක්. සිකුරුගේ මහ දශාවේදී සහ අතුරු දශාවලදී සැප සම්පත් ගෙන එනවා. ඒත් ඉගෙන ගන්නවා කියන්නේ සැප සම්පත් භුක්ති විඳිමින් කරන්න පුළුවන් වැඩක් නෙවෙයි. සැප සම්පත් භුක්ති විඳීම පැත්තක තියලා කැපවීමෙන්, වෙහෙසමහන්සි වී ඉගෙනීම් කටයුතුවල නියැළෙන්න ඕනෙ. ඉගෙනීමට බාධා ඇති කරන ග්රහ පිහිටීම කේන්දරය තුළින් හොයා බලලා අදාළ පිළිවෙත් ඉටු කිරීමෙන්ද දරුවාගේ ඉගෙනීමට කිසියම් අනුබලයක් ලබාදෙන්න පුළුවන්.
රාහුගේ අපලවලට ශිව දෙවියන්ට, පාර්වතී දේවියට පූජා තැබීම, යකඩ මිශ්ර ලෝහයෙන් තැනූ මුදුවට ගෝමේද ගලක් යොදා පැලඳීම, වැටකේ ගසට සාත්තු කිරීම,
සිකුරුගේ අපලවලට පාර්වතී දේවියට පූජා තැබීම, රිදී මුදුවකට දියමන්ති මැණික් ගලක් යොදා පැලැඳීම, කරඳ ගසට සාත්තු කිරීම වැනි පිළිවෙත් තමයි පැරණි ජ්යොතිෂ මූලාශ්රවල සඳහන් වන්නේ.
ජ්යොතිෂ විද්යා විශාරද අගලවත්තේ චන්දන වීරක්කොඩි
