ශ්රී ලාංකීය ආහාර සුරක්ෂිතතාව පිළිබඳ ඉහළ අවධානයක් යොමුකරන මෙරට ප්රමුඛතම කුකුළු මස් නිෂ්පාදන සමාගම වන ක්රිස්බ්රෝ ඉදිරියට පැමිණෙන යල කන්නයේ බඩඉරිගු මිලදී ගැනීමට රුපියල් බිලියන 2ක් වෙන්කරන බව නිවේදනය කර සිටී. ක්රිස්බ්රෝහි හවුල් ව්යාපාරයක් වන කුරුණෑගල පිහිටි සත්ව ආහාර නිෂ්පාදන සමාගම සඳහා අවශ්ය බඩඉරිගු දිස්ත්රික්ක ගණනාවක් පුරා ව්යාප්තව සිටින 2000කට ආසන්න බඩඉරිගු ගොවීන්ගෙන් මිලදී ගැනීම සිදු කෙරේ. බඩඉරිගු ගොවීන් සමග ඇතිකරගෙන ඇති අස්වැන්න මිලදීගැනීමේ ගිවිසුම් ප්රකාරව මෙම කටයුතු සිදුකෙරෙන අතර මෙරට මුළු බඩඉරිගු අස්වැන්නෙන් විශාලතම කොටස ක්රිස්බ්රෝ විසින් මිලදී ගනු ලබයි. මෙසේ ගොවීන්ගෙන් ඍජුව මිලදී ගන්නා අස්වැන්න සමාගමේ අතිනවීන ගබඩා පහසුකම් තුළ තැන්පත් කෙරෙන අතර මුළු ක්රියාවලියම පරිගණක ගත කර ඇති බැවින් කිසිදු අපහසුවකින් හෝ ප්රමාදයකින් තොරව ගොවිජනතාවගේ බඩඉරිගු අස්වැන්න මිලදීගැනීමට ක්රිස්බ්රෝ සමාගමට හැකියාව ලැබී ඇත.
ක්රිස්බ්රෝ සමූහයට අයත් ෆෝචූන් ඇග්රෝහි ඒකාබද්ධ ව්යවසායක් ලෙස ක්රියාත්මක වන මෙම ගබඩා සංකීර්ණය මොණරාගල දිස්ත්රික්කයේ සියඹලාණ්ඩුව ප්රදේශයේ පිහිටා ඇති අතර මෙරට ස්ථාපිතව ඇති විශාලතම බඩඉරිගු ගබඩාව බවට පත්ව ඇත. මෙම ගබඩා සංකීර්ණයේ නවීකරණ කටයුතු සඳහා ක්රිස්බ්රෝ සමූහය රුපියල් මිලියන 500ක් ආයෝජනය කර ඇති අතර මෙහි ඉදිකර ඇති සිලින්ඩරාකාර ධාන්ය ගබඩා 4ක් තුළ උපරිම වශයෙන් මෙට්්රක්ටොන් 16,000ක බඩඉරිගු ධාරිතාවක් තබාගත හැක. එමෙන්ම ගොවිජනතාවගෙන් මිලදීගන්නා බඩඉරි`ගු තෙත් සහ වියළි ධාන්ය ලෙස ගබඩා කිරීමේ හැකියාවද එහි පවතී.
යල කන්නයේ බඩඉරිගු අස්වැන්න මිලදී ගැනීමට ක්රිස්බ්රෝ සමාගමෙන් බිලියන 2ක්
MORE NEWS
දිනේෂ්ගේ සජීවී දිවි නසාගැනීමයි – ඉංග්රීසි ගුරුවරියගේ නිරූපණ තරගයයි! ෆේස්බුක් බලලා තීන්දු ගන්න හදිසි වෙන්න එපා! Sri Lanka Latest News
සමාජ මාධ්ය යනු තොරතුරු හුවමාරු වන වේගවත්ම තැනක්. නමුත් එය ඇතැම් විට සත්යය යටපත් කරමින් අසත්යයට පියාපත් ලබාදෙන තැනක්ද වේ....
Read more
