දෙවන විමලධර්මසූරිය රජුගේ රාජකීය නිල මුද්‍රාව

අපගේ රටේ අනන්‍යතාවය සහ අභිමානවත් බවට සාක්‍ෂි සාධක සපයන තවත් එක් අපූරු සම්පතක් ලෙස දෙවැනි විමලධර්මසූරිය රජු භාවිත කළ මෙම නිල මුද්‍රාව සඳහන් කළ හැකිය. වර්ෂ 1687 – 1707 අතර කාලයේ කන්ද උඩරට මහනුවර රජ කළ දෙවැනි විමලධර්මසූරිය රජු මෙම මුද්‍රාව භාවිත කර ඇති අතර වර්ෂ 1703 මැයි 11 සිට 1707 නොවැම්බර් 22 අතර කාලයේ ලංකාවේ සිටි ලන්දේසි ආණ්ඩුකාරයා වෙත යැවූ ලිපියකටද රජු විසින් මෙම මුද්‍රාව තබා තිබේ. එම ලිපි කවරය සහ මෙම මුද්‍රාව දැනට ඇම්ස්ටර්ඩෑම්හි කෞතුකාගාරයක තැන්පත් කර තිබේ.