සෙලාන් බැංකුව ෂුක්රා මුනව්වර් අගයයි

තම දැනුම, ජයග්‍රාහී මානසිකත්වය මෙන්ම ධෛර්යය සමඟින් මිලියන ගණනක් ශ්‍රී ලාංකිකයින්ගේ ආදරය දිනාගත් ෂුක්රා මුනව්වර් පාසල් ශිෂ්‍යාව මුණගැසීමට, සුහද හදක් ඇති දේශීය බැංකුව ලෙස ප්‍රකට සෙලාන් බැංකුව පසුගියදා ගාල්ල කටුගොඩ ප්‍රදේශය වෙත සංචාරය කළේය. එහිදී 17 හැවිරිදි ෂුක්රාට තම අනාගත අධ්‍යාපන අපේක්ෂා මුදුන් පත් කර ගැනීම සඳහා විශේෂ තිළිණයක් ප්‍රදානය කිරීමටද සෙලාන් බැංකුව පියවර ගත්තේය.

“අනාගත හීන සහ බලාපොරොත්තු රාශියක් ඇති 17 හැවිරිදි පාසල් ශිෂ්‍යාවක් විදිහට ඉතිරි කිරීමේ වැදගත්කම මම හොඳින් අවබෝධ කරගෙන ඉන්නවා. දෙමාපියන් දරුවන්ගේ අනාගතය වෙනුවෙන් ඉතිරි කරන්න පටන් ගත යුතුයැයි මම විශ්වාස කරනවා. ඒ වගේම එම ඉතිරි කිරීමේ පුරුද්ද දරුවන් ලොකු වෙනවාත් සමඟ ඔවුන්ටත් හුරු කරවිය යුතුයි. ඒ හරහා ළමුන්ගේ අනාගත බලාපොරොත්තු සාර්ථක කරගැනීමේදී මෙම ඉතිරි කිරීමේ පුරුද්ද ගොඩක් උපකාරී වේවි” යනුවෙන් ෂුක්රා, සෙලාන් කණ්ඩායම සමඟ තම අදහස් හුවමාරු කරගත්තාය.