එකට හිටපු සිංහලයා තුනට කඩපු හැටි

වැඩවසම් ක්‍රමය මෙරට තිබූ කාලයේ ජනයා කුළ ගෝත්‍ර වශයෙන් බෙදී, වෙන්වී සිටියහ. එහෙත් වැවිලි කර්මාන්තය දියුණු වීමත් සමඟ මෙම තත්ත්වයට තවත් කොටසක් එක් වන්නට පටන් ගත්තේය. ඊට ප්‍රධාන හේතුව වූයේ වැවිලි කර්මාන්තයත්, සමඟින් වෙළෙඳාම දියුණු වූයෙන් රටේ ආර්ථික තත්ත්වය දියුණු වීමය.

ඒ කාලයේ රටේ කාර්යාල හා කර්මාන්ත ශාලාද ඇති විය. බොහෝ දෙනකුට රැකී-රක්‍ෂාද ලැබුණේය. හොඳ අධ්‍යාපනයක් ලබා ගන්නට වත්පොහොසත් බොහෝ දෙනකුට අවස්ථාව ලැබුණේය. එහෙයින් නීතිඥ, වෛද්‍ය, ඉන්ජිනේරු ආදී වෘත්තීන්ගේ නියැළෙන පිරිස් වැඩි විය. ඇතැම් අය අධ්‍යාපන අංශයේ ඉහළ තනතුරුවලටද පත්විය.
මේ සියලු කාරණා සමඟ ජනයා අතර ධනවත්, මධ්‍යම සහ කම්කරු ලෙස පන්ති තුනක් ඇති වූ අතර, එය එතැන් පටන් දිගින්දිගටම වර්ධනය වෙමින් පැවැත ආවේය.