සෙලාන් බැංකුව සහ PICKME වෙතින් සුවිශේෂී වට්ටම්

සෙලාන් බැංකුව සියලුම සෙලාන් ක්‍රෙඩිට් සහ ඩෙබිට් කාඞ්පත්හිමියන් හට අසමසම වට්ටම් රැසක් පිරිනැමීම සඳහා මෙරට ප්‍රමුඛත ම ප්‍රවාහන සේවා සම්පාදකයෙකු වන PickMe සමග අත්වැල් බැඳගනී.

ඒ අනුව 2020 දෙසැම්බර් මස 31 වනදා දක්වා සෙලාන් කාඞ්පත්හිමියෙකුට මසකට PickMe ගමන් දෙකක් සඳහා රු. 100ක වට්ටමක් හිමිවේ. මෙම වට්ටම හිමිකර ගැනීම සඳහා සෙලාන් බැංකු කාඞ්පත්හිමියන් කළ යුත්තේ PickMe යෙදවුමේ ගෙවීම් ක්‍රමය ලෙස සෙලාන් ඩෙබිට් හෝ ක්‍රෙඩිට් කාඞ්පත ඇතුළත් කිරීම පමණි. ඒ හරහා අතින්-අතට මුදල් සංසරණය කිරීමෙන් වැළකී වඩාත් පහසුවෙන් සහ විශ්වසනීය අයුරින් සිය ගෙවීම් කළ හැකි අතර වට්ටම් හිමිකර ගැනීමේ අවස්ථාවද පාරිභෝගිකයන් හට උදාවේ. PickMe සේවාව මගින් පිරිනමනු ලබන ප්‍රවාහන, ආහාරපාන හෝ වෙනත් ඕනෑම සේවාවක් සඳහා මෙම ප්‍රවර්ධන වැඩසටහන වලංගු වේ.

සිය පාරිභෝගික ජනතාවට වඩාත් අගනා මූල්‍ය සේවා අත්දැකීමක් පිරිනැමීම සඳහා තම බැංකුව හා සම්බන්ධ වෙළෙඳ ව්‍යාපාර ජාලය තවදුරටත් පුළුල් කිරීමට සෙලාන් බැංකුව අඛණ්ඩව කැපවී සිටී.

සෙලාන් කාඞ්පත් වසර පුරාම උපරිම අගයක් සහ ඉතිරියක් හිමිකර දෙමින් කාඞ්පත්හිමියන් හට පුළුල් පරාසයක නිෂ්පාදන සහ සේවා රැසක් ආවරණය කරන ‘අත්‍යවශ්‍ය කාඞ්පතක්‘ ලෙස පිළිගැනීමට ලක්ව ඇත.

සුහද හදක් ඇති දේශීය බැංකුව ලෙස සෙලාන් බැංකුව, නවීන තාක්ෂණය, නවෝත්පාදන සේවා සහ විශිෂ්ටතම පාරිභෝගික සේවාව සමඟින් සිය අගනා පාරිභෝගිකයන් හට අසමසම බැංකුකරණ අත්දැකීමක් ලබාදීමේ දැක්ම අනුව කටයුතු කරයි.