විශ්වාසයේ සහතිකය පිළියන්දල හා කොහුවල දක්වා ව්‍යාප්ත කෙරෙයි

ගනුදෙනුකරුවන් අතර ඉහළ විශ්වාසය දිනාගනිමින් නව්‍යකරණයේ ඉදිරියටම යන වැලිබල් ෆිනෑන්ස් ශාඛා ජාලයට නවතම ශාඛාවක් පසුගියදා එක්විය. ඒ කොහුවල නගරයේ ස්ථාපනය කරන ලද ශාඛාවයි. එමෙන්ම ගනුදෙනුකරුවන්ට තවදුරටත් පුළුල් වූ සේවාවක් සැලසීම අරමුණු කරගනිමින් වැඩිදියුණු කළ වැලිබල් ෆිනෑන්ස් පිළියල්දල ශාඛාව නව නිවහනක් වෙත ප්‍රවිෂ්ට වීමද ඒ හා සමගාමීව සිදුවිය.

සම්භාවනීය ආරාධිත අමුත්තන් හා වැලිබල් සාර්ථකත්වය සමඟ සැමදා අත්වැල් බැඳගෙන සිටින ජනතාවගේ සුබපැතුම් මධ්‍යයේ මෙම ශාඛාවන් දෙකම විවෘත වූයේ වැලිබල් ෆිනෑන්ස් කළමනාකාර අධ්‍යක්ෂ ජයන්ත රන්ගමුව මහතා අතිනි.

“අප වෙත පැමිණෙන ජනතාවගේ අවශ්‍යතාවන් මනා සේ හඳුනාගනිමින් ඔවුනට හරියටම ගැළපෙන මූල්‍ය සේවාවන් සලසාදීම අපේ ප්‍රධාන පරමාර්ථයයි. කොහුවල නගරයට නව ශාඛාවක් එක්කිරීම හා පිළියන්දල ශාඛාව තවත් බොහෝ පහසුකම් සහිත නව නිවහනකට රැගෙන යෑම තුළින් මේ අරමුණ තවත් ව්‍යාප්ත වන බව මම විශ්වාස කරනවා. හොඳම මූල්‍ය ගනුදෙනුවකට හොඳම තැනක් ලෙස ශ්‍රී ලාංකිකයන් වැඩිම පිරිසක් පිළිගෙන සිටින වැලිබල් ෆිනෑන්ස් ගනුදෙනුකරුවන් හට තම මූල්‍ය අවශ්‍යතාවන් තවදුරටත් පුළුල්ව හා පෙරටත් වඩා ඉක්මනින් ඉටුකර ගැනීමට මෙම නව ශාඛා දෙකෙහි ඇති පහසුකම් මඟින් හැකිවනු ඇති’ බව පැමිණ සිටි පිරිස හමුවේ රන්ගමුව මහතා ප්‍රකාශ කර සිටියේය.