නාඩි ජ්යොතිෂයට අනුව ඕනෑම වර්ෂයක පෙබරවාරි මස උපන් ඔබට මෙම එලඹෙන සතිය (පෙබ. 15 සිට 22 දක්වා) කෙසේ ගතවේද යන්න විමසා බලමු.Sri Lanka Latest News
සිකුරු ග්රහයාට මූලිකව ඇරැඹෙන මෙම සතිය ඔබට ආදරණීය සතියක් වනවා නොඅනුමානය. ආදරය, දයාව, කරුණාව මූලිකව ඇරැඹෙන මෙම සතියේ ඔභුගේ ආර්ථිකය කෙසේ වේද කියා විග්රහ කර බැලුවහොත් මෙම සතිය ඔබගේ ආර්ථිකයට ඉතා සුබදායක ආරම්භයකි. නව ආදායම් මාර්ග උත්පාදනය වේ. එසේම ඔබ ස්වයං රැකියා කරන අයෙක් නම් තමාගේම ව්යාපාරයක් ගොඩනගා ගත් අයකු නම් ඔබට ඉතා යහපත් ප්රතිඵල ලැබෙන සතියකි. ආදායම වියදම අතර කලින් පැවැති දෝලනය වන ස්වභාවය මඳකට නතර වනවා සේම ඔබට යම්කිසි මුදලක් ඉතිරි කරගැනීමට හැකියාව උදාවේ. තැන්පතු ගිණුමක් ඇරැඹීමට සුබ සතියකි.
ගෘහ ජීවිතය ඉතා යහපත් අන්දමට ගතවන කාලයකි. ආදරය, කරූණාව පවුල තුළ එකමුතුකම වැඩි කරයි. ඔබට ඉතා ආදරණීය අන්දමින් පවුල වෙනුවෙන් යමක් කිරීමට මෙම සතිය තුළ සිත් පහළ වේ. සතිය අග දවස් 2, 3ක කාලයක් යම්තාක් දුරකට ගැටලු මතුවීමට හැකියාව ඇත. මෙම තත්ත්වය ඉතා හදිසියේ ගන්නා තීරණ මුල්කරගෙන හටගනී. දූ දරුවන් වුවද ඔබ සමග ඉතා සුහදශීලීව කටයුතු කරයි.
අධ්යාපනයට තරමක බාධාකාරී ස්වභාවයක් පැනනැගීමට පුළුවන. අනවශ්ය සබඳකම් නිසා අධ්යාපනයට බාධා පැමිණීමේ හැකියාවක් ඇත. ඉගෙන ගන්නා දරුවන් මේ පිළිබඳ දැනුවත් වීම වඩා වැදගත් වේ. මේ පිළිබඳ අවබෝධයෙන් හා අධිෂ්ඨානයෙන් කටයුතු කරන අයට මෙම තත්ත්වය මගහරවා ගැනීමට පුළුවන. එසේම තරග විභාග ආදියට මුහුණ දෙන පෙබරවාරි උපන් ඔබ මනස සැහැල්ලු කරගෙන ඒවාට ඉදිරිපත් වන්න. ආනාපානසති භාවනාව ප්රගුණ කිරීම තුළින් ඔබට ජයග්රහණය කරා යෑමේ අවස්ථාවන් උදාවේ.
රැකියා ස්ථානවල තමාට ඇති ආකර්ෂණීය ස්වභාවය වැඩිවේ. විශේෂයෙන්ම විරුද්ධ පාර්ශ්වයේ අයගෙන් වෙනදා නොතිබුණු පිළිගැනීමක් ඇතිවේ. එසේම රැකියාවේ කටයුතු උදෙසා දුරබැහැර ගමන් බිමන් ආදියට සහභාගි වීමට අවස්ථාව ලැබේ.
රෝගාබාධ පිළිබඳ සලකා බැලීමේදී රුධිරය ආශ්රිත රෝගාබාධ ඇතිවීමට පුළුවන. ලේ අඩුකම නිසා ඇතිවන නීරක්තිය වැනි රෝග තත්ත්වයන් වර්ධනය විය හැකිය. පාද ආශ්රිතව යම් යම් ගැටලුකාරී තත්ත්ව මතුවීමට පුළුවන.
සමස්තයක් ලෙස ගත්කල පෙබරවාරි උපන් ඔබට මෙම සතිය මිශ්ර ඵල උදාකරන සතියකි.
මනෝලි බණ්ඩාර
නාඩි ජ්යොතිෂවේදිනී
0779834889
