හිත ගැන කියන අත ඇති කුඩය

අපට මගතොටදී කොතරම් පිරිසක් හමුවෙනවද. ඔවුන් සමඟ කතාබහ කරනවද. එහෙත් ඒ අය කොයි වගේද, අදහස්, උදහස් මොන වගේද. මොනවා කරන අයද? මේ කිසිවක් අප දන්නේ නැහැ. ඉතින් එහෙම වුණාට සමහර තැන්වලදී අපට සිදුවන අවාසි අධිකයි. එනිසා අපට පුළුවන්නම් ඒ අයව යම් ගුප්ත ක්‍රමවේදයකට හඳුනා ගන්න කොයිතරම් පහසුද. ඒ කියන්නේ අදාළ පුද්ගලයාටවත් නොදැනෙන්නට අපට ඔහුගෙන් ඇය හඳුනා ගන්න ලැබෙනවා නම් එයින් අපට ලැබෙන්නෙ අසීමිත වාසියක්. එවිට අපට හැකිවෙනවා හොඳ අය හඳුනාගෙන ගනුදෙනු කරන්න. නරක අය හඳුනාගෙන දුරස් වෙන්න.

මේ සඳහා තමයි අතීතයේ සිටම අංග ලක්‍ෂණ විiාව උපයෝගී කරගත්තේ. හැබැයි අංග ලක්‍ෂණ ඇසුරින් කෙනකුගේ ගතිගුණ කියපු අංග ලක්‍ෂණ විiාඥයන් යම් කෙනකුගේ ශරීරය දෙස බලලාම පමණක් නොවේ ඔහු හෝ ඇය ගැන කිව්වේ. ඒ සඳහා ඔවුන් විවිධ දේ උපයෝගී කරගත්තා. ඒ අතරින් කෙනකු භාවිත කරන කුඩය, ඔරලෝසුව, පාවහන්, හිස්වැසුම් වගේම විවිධ ශරීර ආලේපන ඇසුරින් ඒ ඒ අය ගැන කියන්න දේහ ලක්‍ෂණ විiාඥයාට හැකියාව ලැබුණා.
කෙනකු ගැන එලෙස විශේෂ හඳුන්වා දීමක් කළ හැකි ප්‍රධාන මෙවලමක් තමයි කුඩය. කුඩ භාවිතය ලෝකය තුළ ආරම්භ වී ඇත්තේ ක්‍රි.ව. 700 පමණ බවටයි පැවසෙන්නේ. එතැන් පටන් ගැහැනු, පිරිමි භේදයකින් තොරව කුඩ භාවිතය ව්‍යාප්ත වුවත් අද වන විට බොහොමයක් කාන්තාවන්ගේ විලාසිතාවක් බවටත් කුඩය පත්ව තිබෙනවා.

යම් කෙනකු හකුලන කුඩයක් පිළිවෙළකට, රැලි නොසිටින අයුරින් නවා, හකුළා, සුරැකිව අතේ තබාගෙන යනවා නම් ඔහු හෝ ඇය ඉතාමත් විශ්වාසවන්තව අනාගතය සැලසුම් කරන කෙනෙකි. සුබවාදී සිතුවිලි ඇති, නිතරම ධනාත්මකව සිතන – පතන මේ අය කිසිම අවස්ථාවක අන් අයගේ වැඩ ගැන සොයා නොබලයි. තරමක් දුරට සීමාව ඉක්මවා විරුද්ධ ලිංගිකයන් කෙරේ ප්‍රිය වෙයි. නිතරම තම රැකියාව හෝ ව්‍යාපාරය ගැන සිතමින් කටයුතු කරන අතර, අන් අයගෙන් උදව් ගැනීමට එතරම් උනන්දුවක් නැත. අරපිරිමැස්මෙන් වියදම් කරයි. විවාහ වෙන්නේ තමන්ට ගැළපෙන සහකරුවකු හෝ සහකාරියක සමඟ පමණකි. එසේම විවාහය ඉතාමත් සාර්ථක එකක් වෙයි. මේ අය ආශ්‍රයට බියයුතු නැත.

අත ඇති කුඩය නිතරම කරකවමින් ගමන් කරන කෙනකු වේ නම් මේ අය ස්ථිර අරමුණක් නැති නිතර රැකියා වෙනස් කරන අයයි. ආදරයේදී චපල වෙයි. පෙම්වතුන්, පෙම්වතියන් හිතුණු හිතුණු ලෙස මාරු කරයි. මිතුරු මිතුරියන්ද එලෙසමය. අද සිටින කෙනා හෙට නැත. හෙට සිටින කෙනා අනිද්දාට නැත. ස්ථිර නිවෙසක් හෝ තමන්ටම කියා අනාගතයක් ගොඩනඟා ගන්නටද උනන්දු නොවෙයි. නිතරම තැන තැන ඇවිදීමට ප්‍රිය කරයි. දියුණු වීමට වුවමනාවක් හෝ උනන්දුවක්ද නැත. විවාහ දිවියද දික්කසාදයෙන් කෙළවර කරගන්නට මේ අයට සිදුවනු ඇත.
කාන්තාවක හෝ පිරිමියකු සිය කුඩය කිහිල්ලේ ගසාගෙන යනවා නම් මේ අයට ඇත්තේ රටතොට ගැනත්, ලෝකය ගැනත්, සමාජය ගැනත් අසීමිත අවබෝධයකි. කිසිදු අවස්ථාවක කරදරයක නොවැටී සිටීමට උපායශීලී වෙයි. අනුන්ට උදව් උපකාර කිරීමට කැමැතිය. කලබලකාරී ගතිගුණ අඩු නිසා ඕනෑම ප්‍රශ්නයක් දෙස බුද්ධිමත්ව බලයි.

යම් කෙනකු කුඩය පිටේ එල්ලාගෙන ගමන් ගන්නවා නම් ඔහු හෝ ඇය සීමාව ඉක්මවා කපටිකම් ඇත්තෙකි. එක හත කරන්නන් ලෙස මොවුහු ප්‍රසිද්ධය. නැති දෙය ඇතිකර පෙන්වයි. සිරිත් ඇති අදහස් ආත්මාර්ථකාමීය. මේ අය කොතරම් උපාය යෙදුවද දියුණුවට මඟ නොපෑදේ.
විසිතුරු විලාසිතා යෙදූ විචිත්‍රවත් කුඩ තෝරා ගන්නා අය විනෝදයට බර අදහස් ඇත්තන්ය. විරුද්ධ ලිංගිකයන් කෙරේ නම්‍යශීලී වෙයි. නිතරම සතුට සහ විවිධත්වය අපේක්‍ෂා කරයි. අන් අය හා තරගයට මෙන් ආදරයට, ප්‍රේමයට ළංවෙයි. විවාහයේදී ආදරයට මුල්තැන දීමට සිතයි. නිතරම වෙනස් දේට සිත යොමු කරයි. කම්සැපටද තරමක් ලොල් වෙයි.

යම් කාන්තාවක තනි කළු පැහැයෙන් නිමවූ කුඩයක් භාවිත කරනවා නම් ඇය නොසැලෙන මනසක් ඇති දුක – සැප දෙකම එක හා සමානව විඳගන්නට සමත්, ලෝකයේ පවතින ස්වභාවය තේරුම්ගත හැකි පුහු ආටෝප නැති තැනැත්තියකි. මේ අයට ඕනෑම දෙයක් හුරුපුරුදු වී කළ හැකිය. ජීවිතය සාර්ථක වෙයි.
ජ්‍යොතිෂවේදී ජයශ්‍රී නන්ද කුමාර