නිස්සෙයි කායි කරාතේ සංගමයේ කළුපටි උපාධි ප්‍රදානෝත්සවය

ෂෝටෝ කාන් රියූ කරාතේ දෝ නිස්සෙයි කායි ශ්‍රී ලංකා සංගමයේ ජාත්‍යන්තර හා ජාතික කළුපටි ප්‍රදානෝත්සවය 2020 ජූලි මස 26 වැනි දින මීගමුවේදී ඉතා උත්කර්ෂවත් අන්දමින් පවත්වන ලදී. ඒ සඳහා ප්‍රධාන ආරාධිත අමුත්තා වශයෙන් කැලණිය විශ්වවිද්‍යාලයේ සමාජීය විද්‍යා පීඨයේ ක්‍රීඩා විද්‍යා සහ ශාරීරික අධ්‍යාපන අංශයේ ජ්‍යෙෂ්ඨ කථිකාචාර්ය එම්.කේ.ඒ. අනෝමා රත්නායක මහත්මිය හා විශේෂ ආරාධිත අමුත්තා වශයෙන් Headway අධ්‍යාපන ආයතනයේ නිර්මාතෘ ශිරාන් කෲස්පුල්ලේ මහතා සහභාගි විය. මෙහිදී නිස්සෙයි කායි කරාතේ සංගමයේ සභාපති මර්වින් ප්‍රනාන්දුපුල්ලේ මහතා සහ ප්‍රධාන උපදේශක ශිහාන් සෝභා සුබසිංහ මහතා විසින් ජාත්‍යන්තර කළුපටි උපාධි දරුවන් 22ක් සඳහාද ජාතික කළුපටි උපාධි දරුවන් 18ක් සඳහාද පිරිනමන ලදී.