සිරුරේ රෝමකූප කියන රහස් කතා

ස්ත්‍රී – පුරුෂ බේදයකින් තොරව සෑම කෙනකුගේම ශරීරය දිනෙන් දින වර්ධනය වෙයි. වෙනස් වෙයි. කුඩා අවධියේ සිට අප ගන්නා ආහාර සහ ශරීරයට ලබාදෙන පෝෂණය අනුව එකිනෙකට වෙනස් අයුරින් ශරීර වර්ධනය සිදුවුවද ඊට වඩා හාත්පසින් වෙනස් වර්ධනයක්ද ශරීරයන් තුළ සිදුවෙයි. ඒ අතර සිරුර විවිධ ඉන්ද්‍රියයන්ගේ වර්ධන තත්ත්ව ප්‍රධාන තැනක් ගනී. සමාන පෝෂණ සැපයුමක් ලද දෙදෙනකුගේ වුවද එවැනි ශරීරාංග වැඩෙනුයේ දෙවිදියකටය.

උදාහරණයක් ලෙස ශරීරයේ නිය, ඇඟිලි, ඇහි බැම, රෝම සහ ලිංගය වැනි කොටස් පෙන්වා දිය හැකිය. මේවා එකිනෙකාට වෙනස්ව වැඩෙන්නේ ඔවුන්ගේ කර්ම ශක්තීන්ට අනුවය. එනිසාම දක්‍ෂ අංග ලක්‍ෂණවේදියකුට කෙනකු දෙස පරීක්‍ෂාවෙන් බලා ඔහු හෝ ඇයගේ අනාගතය ගැනත්, ගතිගුණ ගැනත් සාර්ථක අනාවැකි පැවසීමට අපහසු නොවේ. එලෙස කෙනකුගේ සිරුරේ ඇති රෝම කූපවලින් පැවසෙන විවිධ අනාවැකි මොනවාදැයි බලමු.

ඇඟිලි මත රෝම පිහිටීම
යම් කාන්තාවකගේ ඇඟිලි මත පිරිමියකුගේ මෙන් රෝම පිහිටයි නම් ඇය කඩිසර, කාර්ය ශූර තැනැත්තියකි. සෑම දෙයක්ම පිරිමියකු මෙන් කඩිසරව පාලනය කිරීමට දක්‍ෂතා දක්වයි. ඇතැම් විට මෙම ස්ත්‍රිය සිය සැමියාවද පාලනය කරන්නීය.

ඇහිබැම එකට යාවී රෝම වැවී ඇත්නම්
ස්ත්‍රියකගෙ ඇහිබැම එකට යාවන අයුරින් රෝම වැවීම නපුරුකමේ සංකේතයක් ලෙස සැලකෙයි. ඇය දැඩි තීන්දු, තීරණ ගන්නා හිතුවක්කාර තැනැත්තියක වෙයි. යුග දිවිය අසාර්ථකකර ගන්නීය. විවාහය අතරමඟ කැඩී යෑමටද හේතු යෙදෙයි. එසේ නැතිනම් සැමියා අකාලයේ මියයනු ඇත.

උදරය මත රෝම පිහිටීම
ස්ත්‍රියකගේ උදරය මත තඹ පැහැයට හුරු රෝම පිහිටයි නම් ඇය ජීවිතයේ අතෘප්තිමත් තැනැත්තියක ලෙස හඳුනාගත හැකිය. කිසිවකින් සෑහීමකට පත්නොවන්නීය.

කලවා ආශ්‍රිතව පිහිටි රෝම
ස්ත්‍රීන්ගේ කලවා ආශ්‍රිතව රෝම ඇත්නම් ජීවිතයේ වැඩි කලක් වහලියක සේ අන් අයට දාසකම් සිදුවිය හැකිය. තම නිවෙසේ වුවද අන් අයට දාසකම් කරන්නට සිදුවන්නේය. යුගදිවි සැපතද අහිමි වනු ඇත. දණ හිසෙන් පහළ රෝම කූප ඇති ස්ත්‍රියට කොතරම් උසස්, ධනවත් තැනක ජීවත් වන්නට ලැබුණද සැප සම්පත් විඳිනට වාසනාව හිමි නැත.

කම්මුල් මත පිහිටි රෝම
යම් ස්ත්‍රියකගේ කම්මුල් මත රෝම පිහිටයි නම් ඇය අන් අයගේ ඕපාදූප කතා කරන්නට ප්‍රිය චරිතයකි. ඉක්මනින් කෝපයට පත්වන්නීය. අනවශ්‍ය ගැටුම් මවාගෙන පැටලෙන්නට මාන බලයි.

ළය මත පිහිටි රෝම
කාන්තාවකගේ පියයුරු අතර පපුවේ ඝනව රෝම වැවේ නම් ඇය තරුණියක වීමට පෙර සිටම කායික ඇසුරට ආශා කරන්නියක වෙයි. එසේම ඇය විවාහයෙන් පසුව පිරිමින් වැඩි දෙනකු හා ඇසුරට පෙලඹෙයි. එසේම විවාහයෙන් පසුව වැන්දඹුවන් බවට පත්වීමේ ප්‍රවණතාවද වැඩිවෙයි.

පියයුරුවලට ඉහළින් දකුණට කැරකැවුණු රෝම පිහිටීම
පියයුරුවලට ඉහළින් දකුණට කැරකැවුණු රෝම ඇත්නම් ඇය ඊර්ෂ්‍යාකාර තැනැත්තියකි. කපටිකම්කර අන් අය රවටන්නියකද වෙයි.

මුහුණ මත රෝම පිහිටීම
කාන්තාවන්ගේ මුහුණේ රෝම පිහිටීම කිසිසේත්ම සුබදායක නොවේ. ජීවිතයට අභාග්‍ය ළඟාකරගන්නියක වෙයි. මෙවන් අයගේ සිත් සුන්දර නැත. විවාහයද බොහෝ දුරට අසාර්ථක වෙයි. යම් ස්ත්‍රියකගේ උඩුතොළ අසල හෝ යටිතොළ අසල රෝම පිහිටයි නම් එයින් කියැවෙන්නේ යුගදිවියට අනිසි බලපෑම් එල්ල වන බවකි. එසේම එවැන්නියන් තුළ ඇත්තේ කර්කශ හැසිරීම් රටාවකි. යුගදිවියට සතුට සදන ලාලිත්‍ය ගණන් නොගනී. දැඩි කලබලකාරියකි. සහකරුව ගණන් නොගනී. මෙම ස්ත්‍රිය සමඟ විවාහ වන පුරුෂයාටද යහපතක් සිදුනොවේ. ඔහු සතු වස්තුව විනාශ වී යනු ඇත. යුග දිවිය අසාර්ථක වෙනවාත් සමඟම ඔහුගේ ජීවිතයද අසාර්ථක වෙයි.

පිරිමින්ගේ මෙන් උඩුතොළේත්, නිකටේත් රෝම පිහිටීම
පිරිමින්ගේ මෙන් උඩුතොළේත්, නිකටේත් රැවුල වැවෙන කාන්තාවන්ගේ විවාහය බොහෝ කල් ප්‍රමාද වෙයි. විවාහයට පෙර ප්‍රේම සබඳතා කිහිපයක් පවත්වන්නට පෙළඹේ. චරිතය ගැනද නොසිතයි. සීමාවන් ඉක්මවා යයි. විවාහයට පෙර කායික ඇසුරටද යොමුවිය හැකිය. මේ හේතු නිසා සමාජයේ අප්‍රසාදයටද පත්වනු ඇත.
ජයශ්‍රී නන්දකුමාර