රාජා ජුවලර්ස් infiraja.com ඇණවුම් සියය සපුරයි

ශ්‍රී ලංකාවේ ස්වර්ණාභරණ ක්ෂේත්‍රයේ කිරුළු පැලැඳි රජු ලෙස අවිවාදයෙන් පිළිගැනෙන රාජා ජුවලර්ස් ආරම්භ කළ ස්වර්ණාභරණ අලෙවි කිරීමේ මෙරට පළමු වෙබ් අඩවිය වන www.infiraja.com මාසයක් තුළ මාර්ග ගත ඇණවුම් සියය සම්පූර්ණ කරමින් අති සාර්ථක ගමනක ආරම්භය සනිටුහන් කළේය. ස්වර්ණාභරණ නිෂ්පාදන ආයතනයක් ශ්‍රී ලංකාවේ පළමු වරට මෙලෙස වෙබ් අඩවියක් හරහා ස්වර්ණාභරණ මිලදී ගැනීමේ අවස්ථාව සිය ළබැඳි පාරිභෝගිකයන්ට උදාකර දීම නැවුම් අත්දැකීමක් වූ අතර එයට පාරිභෝගිකයන්ගේ ඉහළම ප්‍රතිචාර ලැබීම සුවිශේෂත්වයකි. වෙබ් අඩවිය හරහා අදාළ ස්වර්ණාභරණ ඇණවුම් කිරීමෙන් පසු ඒවා ඔබගේ fදාර ඉදිරිපිටටම ආරක්ෂිතව ගෙනැවිත් බාර දීමට රාජා ජුවලර්ස් කටයුතු කරන අතර ක්‍රෙඩිට් කාඞ් සහ මුදල් යන දෙයාකාරයෙන්ම බිල්පත් ගෙවීමට අවස්ථාව සලසා ඇත. බම්බලපිටිය, මීගමුව සහ මහනුවර ශාඛා කේන්ද්‍ර කර ගනිමින් ස්වර්ණාභරණ බෙදා හැරීමේ ජාලය ක්‍රියාත්මක වන අතර විවිධ වට්ටම් රැසක්ද පාරිභෝගිකයන්ට පිරිනමා තිබේ. විශේෂයෙන්ම ඔබ රනින් සරසන සහ ඔබේ ළබැඳියන්ට ත්‍යාග ලෙස පිරිනැමීමට කදිමට ගැළපෙන නවීන මෝස්තරවල අලංකාර ස්වර්ණාභරණ රැසක් මෙම www.infiraja.com වෙබ් අඩවිය හරහා ඔබට ඇණවුම් කළ හැකිය. කොවිඞ් 19 වසංගතය ලොව පුරා පැතිරී යන මොහොතේ වඩාත් සෞඛ්‍යාරක්ෂිතව ස්වර්ණාභරණ මිලදී ගැනීමට මෙම වෙබ් අඩවිය වඩාත් ගැළපෙන බවද විශේෂයෙන් සඳහන් කළ යුතුය.