Uber Eats මිලියන 8.5ක් වටිනා වියළි සලාක ලබාදෙයි

Uber Eats ශ්‍රී ලංකා රජය සහ Voice for Voiceless පදනම සමඟ එක්ව COVID-19 වසංගතය හේතුවෙන් පීඩාවට පත් අඩු ආදායම්ලාභී ප්‍රජාව වෙත සහාය වීමේ අරමුණෙන් රුපියල් මිලියන 8.5ක වටිනාකමින් යුතු වියළි සලාක රටපුරා බෙදාහරිනු ලැබීය. තවද මෙය සෞඛ්‍යාරක්ෂක සේවකයින් සහ අවශ්‍යතා ඇති ප්‍රජාවන් වෙත නොමිලේ මිලියන 10ක ධාවන සහ ආහාර බෙදා හැරීමේ Uber සමාගමේ ගෝලීය පොරොන්දුවේ එක් අංගයක් ලෙස ක්‍රියාත්මක කිරීමට පියවර ගෙන ඇත.
දැනට පවතින වසංගත තත්ත්වය සහ මෑතදී ඇති වූ ගංවතුර තත්ත්වය හේතුවෙන් අත්‍යවශ්‍ය සැපයුම් සඳහා අවස්ථාව හෝ ප්‍රවේශයන් නොමැති ප්‍රදේශවලට වියළි සලාක ලබා දෙනු ලැබූ අතර, ත්‍රිවිධ හමුදාව, පොලිස් නිලධාරීන්, වතු කම්කරුවන්, තනි මව්වරුන් සහ පූජනීය ස්ථාන සඳහා වියළි සලාක ඇසුරුම් බෙදා හැරීම සඳහා ශ්‍රී ලංකා රජය සහ Voice for Voiceless පදනම සහාය හිමිවිය.
මෙම කාර්යය සම්බන්ධයෙන් අදහස් දක්වමින් පාර්ලිමේන්තු මන්ත්‍රී නාමල් රාජපක්ෂ මහතා මෙසේ පැවසීය “මෙම අර්බුදකාරී තත්ත්වය තුළ Uber දැක්වූ සහයෝගයට මම ස්තූතිවන්ත වෙනවා. විශේෂයෙන් Covid-19 සමඟ සටන් කිරීමට සෘජුවම සම්බන්ධ සෞඛ්‍ය සේවකයින් සඳහා අත්‍යවශ්‍ය ද්‍රව්‍ය ලබා දීම, ආහාර ඇසුරුම් පරිත්‍යාග කිරීම සහ ඔවුන් වෙත නොමිලේ ප්‍රවාහන පහසුකම් සැපයීම වැනි සේවාවන් මෙම අර්බුදකාරී කාලපරිච්ඡේදයේදී සැපයීමට ඉදිරිපත්වීම බෙහෙවින් අගය කරනවා.”