‘කුච් කුච් හෝතා හේ’ ෆිල්ම් එක මතකද?
කොහොම අමතක වෙන්නද? ‘කුච් කුච් හෝතා හේ’ එක්ක තියටර් එකේ ගතකරපු ඒ පැය දෙකක දෙකහමාරක කාලය ගැන කියන්න වචන නැහැ. එය ආශ්වාදනීයයි. අමන්දානන්දනීයයි. තවත් විදියකට කියනවා නම් ඒ පැය ගණන සිහිනෙන් ගෑ සුවඳක් තරම් සුන්දරයි. උතුරු ඉන්දියානු සිනමාව පුරා රසාලිප්ත පෙරළියක් ඇතිකළ, සිත් නළවනසුලු පෙම් පළහිලව්වක් ගැන කියැවෙන මේ ලස්සන කතන්දරය යුරෝපා රටවල වගේම ශ්රී ලංකාව වැනි දකුණු ආසියානු රටවලද අසීමිතව ජනප්රිය වුණා. ‘කේ.කේ.එච්.එච්.’ යන කෙටි නාමයක් තුළ එයට හුරුබුහුටි හැඳින්වීමක්ද ලැබුණා. (Sri Lanka Latest News)
හිටිහැටියෙම ඇයි මේ ‘කුච් කුච් හෝතා හේ’ ගැන මතකය අවදි වුණේ? කරන් ජොහාර් අලුත් ඇක්ටර්ස්ලව දාලා ඒක රී-මේක් කරන්නවත් යනවද?
එහෙම එකක් නෙවෙයි. පසුගිය සතියේ කරන් ජොහාර් ඇතුළු ‘කුච් කුච් හෝතා හේ’ ටීම් එක එහි අවුරුදු 26ක මතකය සැමරුවා.
ඒ සොඳුරු අවස්ථාව වෙනුවෙන් කරන් චිත්රපටයේ රූගත කිරීම් අතරතුරදී සිදුවූ සොඳුරු මතක ඇසුරෙන් හරි අපූරු වීඩියෝවක් තම ඉන්ස්ටර්ග්රෑම් ගිණුම හරහා මුදාහැරියා. මුහුරත් උළෙළ, පළමු දර්ශන වාරය සහ දින 100 සැමරුමෙහි මතකයන්ද ඒ අතර තිබුණා.
ප්රධාන පෙළේ සිනමාහල් කිහිපයකම එහි දර්ශන වාරයන්ද පෙන්වූවා. අතුරු සිදුරු නැතුව ඒ සිනමාහල් පිරී ගිහින් තිබුණු හැටි දැක්කම කරන්ගේ ඇස්වලට කඳුළු ඉනුවලු. සිනමා සංකීර්ණයක පැවැති එක් දර්ශනයක් අවසානයේ කරන් එක්ක කාජල්, රානි මුඛර්ජි සහ ෂාරුක් ඛාන් එහි පැමිණ තිබුණේ ප්රේක්ෂකයන් මවිත කරවමිනුයි. එතැන ඇතිවූ ආදරණීය හැඟීම් පිරුණු උණුසුම් සංසිද්ධීන් ගැන රසින් රස විස්තර කියන්න හෝඩි පොතෙත් වචන මදි වුණා කියලයි කියන්නේ. සෝෂල් මීඩියාවල එය නම්කොට තිබුණේ ‘සුපිරි අහඹුවක් රසවත් සුළි කුණාටුවක්’ යන සිරස්තලය සමගින්ලු.
‘මගේ කුලුඳුල් වෑයම මේ තරමට සාර්ථක වෙයි කියලා හිතුවේ නැහැ. ‘ආදිත්ය චොප්රා’ කියන අමරණීය මිනිසා නොවන්න කරන් ජොහාර් අද මෙතැන නැහැ. ඔහුගේ හැකියාව මට බෝකිරීම ලොකු සතුටක්.
සුවහසක් ප්රේක්ෂකයන් හමුවේ කළ කෙටිම කෙටි කතාබහේදී කරන් එසේ පැවැසුවේ ඉතා සංවේදීවයි.
‘මොනවා කියන්නද මන්දා… මම ඔයාලට ආදරෙයි. එච්චරයි….’
ඒ, ෂාරුක්ගේ කෙටි වචන සංග්රහයයි.
‘ෂාරුක්ට කිං ඛාන් කියන නම වැටුණේ වැරැදීමකට. එය ආශ්වාදනීය රජු ලෙස වෙනස් වූවා නම් යසයි…’
ඒ, කාජල්ගේ ආදරණීය පණිවුඩයයි.
‘මට හිතෙන හැටියට නම් ෂාරුක්ට මැචින් ‘රොමෑන්ස් කිං’ කියන නමයි.
රානි කියා තිබුණේ ඇසක් ඉඟිමරන ගමනුයි.
සියල්ල අවසානයේ ඒ සොඳුරු මොහොත මෙහෙයවූ ප්රසන්ටර් ඇහුවලු කරන්ගෙන් “කුච් කුච් හෝතා හේ’ ෆිල්ම් එකේ රී-මේක් එකක් කළොත් කොහොමද සර්?’ කියලා.
‘හීනෙකින්වත් හිතන්න බැහැ. ඒ තුන් කට්ටුව දුන් රසය නැවත කිසිවකුට දෙන්න බැරිවේවි….’
ඔහු ඇහෙන නෑහෙන හඬින් කියා තිබුණේ මහා ගැඹුරු ස්වරයකිනි.
දමයන්ති රේණුකා ප්රනාන්දු
