ආදරය, ආලය, සෙනෙහස බැඳුණ ඉතාම ප්රීතිමත් වාසනාවන්ත යුග දිවියක් ගෙවීමට ජ්යොතිෂයේ දක්වා ඇති ග්රහ හැසිරීම් රටාව ධනාත්මක පැතිකඩක් ඔස්සේ දෝලනය විය යුතුයි. පොරොන්දම් සීහුම්වලට අමතරව ප්රබල ග්රහයෝග කේන්දර දෙකෙහිම තිබීම නිසා විවාහය අති සාර්ථකත්වයට පත්වෙයි.
පෙම් සබඳතා ගොඩනැඟුණු විටදී පොරොන්දම් හෝ ග්රහ හැසිරීමක් ගැන නොබලයි. එහෙත් දෙදෙනාට දෙදෙනාගේම කිසියම් ආකර්ෂණයක් විනිවිදව ගැබ්වී තිබේ නම් සාර්ථක විවාහයක් ගෙන යෑමට හැකි වෙයි. එයට වෙනත් සාධකද තිබේ.
අඹුසැමි එක්වීම විවාහයේ ප්රධාන කාරණයකි. කායික ගැළපීම් ඇත්නම් එතැන සුරලොවක් මැවේ. නැති තැන අපායකි. බිරියකගේ මානසික හා කායික හැසිරීම ඇයගේ ආශාවන් ඉටු කිරීමට සැමියාට හැකි විය යුතුමයි. නොඑසේ නම් එතැන ඇය ඉමහත් අසහනයකට පත්වන්නීය. එයයි ඇත්ත කතාව. බිරියගේ සතුට වින්දනය පිළිබඳව යම් සැමියකු අමතක කරන්නේ නම් එතැන සිදුවන්නේ බිරියගේ කායික මානසික කඩා වැටීමකි.
අපේ රටේ පවතින සංස්කෘතිකමය හැසිරීම අනුව විවෘතව කතාබහ නොකිරීමේ ප්රතිඵලය නිසා බිරින්දෑවරුන් අසහනයට පත්වන බැව් නොරහසකි. විශේෂයෙන්ම තරුණ වියට වඩා වයස 40 සමීප වීමත් සමඟම කාන්තාවට දැඩි කායික ආසාවන් ඇති වෙයි. එය නොවැළැක්විය හැකිය. එකී සතුට, වින්දනය සැමියාගෙන් නොලැබෙන්නේ නම් තෙවැනි ශික්ෂා පදය කඩන තැනට සිත යොමු වීම සොබාවිකයි. එයට ග්රහයන් පළි නැත.
සෑම අයකුටම මෙවැනි තත්ත්වයට පත්වීමට අපහසු වුවත්, සැමියා කෙරෙහි තද වෛරී බවක් සිත තුළ පැලපදියම් වී
පවතින බැව් ලිංගික විiාත්මක හේතුවකි.
ප්රථමයෙන්ම බිරියක් සූරාන්නයට පත්විය යුතුමය. එවැන්නක් නොවී සැමියා පිම්මේ දුවන තැනට පත්වුවහොත් වන්නේ කුමක්ද කියා සිතිය හැකිය. ඇය අසහනයට පත්වීමේ ප්රතිඵලය වෙන පැත්තකින් එළිදක්වනු ඇත.
බොහෝ විවාහක බිරින්දෑවරුන් මෙවැනි ලිංගිකමය අසහනයන්ට ගොදුරු වී සිටින බැව් ප්රසිද්ධ රහසකි. කෙනකු සමඟ කියන්නට බැරි නිසා ඇයගේ මනස වෙනත් පැතිකඩක් කරා යොමු වීම පුදුමයක් නොවේ.
අද වන විට මත්පැන්, මත්ද්රව්ය ආදිය නිසා කායික රෝගීන් බවටද පත්වී ඇති තරුණ පෙළ හා විවාහක අය කොතෙකුත් සිටී. පොරොන්දම් ලකුණු 36ම ඇතත් සැමියා නෂ්ඨකාමයෙන් පෙළෙන්නේ නම් වඩාත් ගැටලුවක් බවට පත්වන්නේ බිරියගේ කේන්දරයේ කුජ ශුක්ර යෝගය 7 සිටීමෙන්ය. එක්තරා කඩවසම් තරුණ වෙළෙඳ ව්යාපාරිකයෙක් සමඟ යුගදිවියට පාතැබූ නාට්ය හා සංගීත ගුරුවරියක් ප්රථම සම්භෝග (මධුසමය) දිනයේ සිටම ඈ ගතකරන ලද්දේ අසහනකාරී දැඩි පීඩනයකට ලක්වූ තැනැත්තියක් ලෙසයි. හේතුව සැමියා නෂ්ඨකාමයෙන් හා ක්ෂණික මෝචනයෙන් පෙළෙන බැවිනි.
ප්රේම සබඳතාවයකින් මෙම විවාහය සිදුවූයේ සැමියා ලස්සන, කඩවසම් තැනැත්තකු වීම නිසාමය.
ජ්යොතිෂ විiාව අනුව බලන විට පොරොන්දම් සීහුම්වලින් විවාහය එකවරම තීරණය කළ නොහැකිය. ග්රහ හැසිරීම ගැන මුලදී පරීක්ෂා කළේ නම් මෙවැනි තත්ත්වයකට බිරිය පත්නොවනු ඇත.
විවාහාපේක්ෂක දෙපක්ෂයම මේ පිළිබඳව දුක්නොවී විවාහ තීරණ ගැනීමේදී බුද්ධිමත්ව ක්රියා කිරීම ඉතාම වැදගත් වෙයි. කේන්දරයේ ග්රහ පිහිටීම් අනුව නිවැරැදිව බුද්ධිමත්ව පරීක්ෂාකර යුග දිවියට පා තබන ලෙස සනිටුහන් කර සිටිමු.
‘සංස්කෘතියට තරමක් දුරට පටහැනි වුවත් කතාවේ ඇත්තම ඇත්ත මෙයයි.’
ප්රවීණ ජ්යොතිෂවේදි ටී. හෙන්රි බෙම්මුල්ල
