මංගල දිනයට අසුබ ග්‍රහ හැසිරීම්

මංගල දිනයේ මනාලයා සහ මනාලියගේ අතිශයින්ම වැදගත් මොහොත සේ සලකනු ලබන මධුසමය කාල පරාසය සඳු දුර්වලව පාප කර්තරීව හෝ පාප දැකීමේ සහිත පාපී ග්‍රහ සංයෝගයක් ඇති අවස්ථාවක ගතකළොත් සතුටුදායක යුග දිවියකට ඇති අවස්ථාව නීරස වන බැව් ජ්‍යොතිෂයේ දක්වා තිබේ. ජ්‍යොතිර් විiාව අනුව බලන විට එවැනි අසුබ ග්‍රහ යෙදීම් ඇති දිනයක් හෝ රැයක් සොයා ගැනීමෙන් අවැඩදායක තත්ත්වයක්ද උදාවන්නේය.

සඳු, ශුක්‍ර යෝගවී කුජට සප්තමව හෝ සඳු සහ කුජ යෝගව ශුක්‍රට සප්තවීම අසුබයි. එවැනි වේලාවක මංගලමය සම්භෝගය සිදුවීමෙන් කාන්තාවට තෙවැනි සිල්පදය කැඩීමේ දොරටුව විවෘත වෙයි.

ලග්නය මේෂ, වෘශ්චික, මකර, කුම්භ රැසක්වී දුබල සඳු සිට 7 වැන්නේ පාපීන්ද ඇත්නම් සැමියාගේ පාර්ශ්වයේ ආරවුල්වලට පටලැවේ.

සඳු පාපී ග්‍රහයකු හෝ පාපීන් කිහිප දෙනකු සමඟ පාප කර්තරීව ඇති විට එක්වීමෙන් තෙවැනි ශික්ඛා පදය කඩන තැනට පත්වීමේ ඉඩකඩ වැඩිය.

සඳු, කටක හෝ වෘෂභ නවාංශකයක සිටියදී කුජට සප්තම වී නම් ඇය දුෂ්ට හිතුමතේට වැඩකටයුතුවල නිරත වෙයි. තනි තීරණ ගනී.

සිකුරු, කුජ හෝ ශනිගේ නවාංශකයක සිටින විටදී අනාචාරයට පෙලැඹෙයි. සමහර විට හුදකලා වන්නීය.
සඳු, ශනි සමඟ 1, 5, 7, 10 තැනක සිටීමෙන් රතියට උදාසීන වන අතර, ශීතතාවය හරහා මානසිකය පිරිහේ.

තත්කාල ලග්නය සුබය. රැයක් වී එහි අධිපතිද උභය රැසක සිටියදී එක්වුවහොත් පසුකාලීනව ඇය අතිධාවන තත්ත්වයට කායික හැසිරෙනු ඇත.

සඳු කුජ සමඟ යෝග වී හෝ කුජට සප්තම වී සිටියදී නම් දෙදෙනා අතර කායික, මානසික මත ගැටුම්වලට ගොදුරු වෙයි.

සඳු, සිකුරු යෝගය 3, 4, 5, 7, භාව තැනක සිදුවීමෙන් පාපී පෙනීම ලක්වන්නේ නම් දෙදෙනා අතර මත ගැටුම් වහා නිර්මාණය වෙයි.

කුජ, ශුක්‍ර, රාහු 7 වැන්නේ බිරියගේ නම් ඇය තෘප්තිමත් බවට පත්නොවේ. වෙනත් සබඳතා වහා ගොඩනඟාගනී. එකී මොහොතේදී ශනි, කුජ, රවි 8 වැන්නේ නම් යුගදිවිය අතර ගැටුම් ඇති වී දෙදෙනාම දෙපැත්තට යනු ඇත.

ස්ත්‍රියගේ 7 අධිපතියා සහ පුරුෂයාගේ 7 අධිපතියා සප්තම අසුබ ඉෂ්ට ලත් කාලය තුළ සුබ නැත. දෙදෙනා අතර කායික හා මානසික ගැටුම්වලට නතු වන බැව් දැක්වෙයි.
ජ්‍යොතිෂ විiාත්මක පදනම මත සුබ ග්‍රහ හැසිරීම් අනුව යුගදිවිය ඇරැඹීම ඉතාම සුබයි.
ජ්‍යොතිෂවේදී ටී. හෙන්රි බෙම්මුල්ල