තිබ්බතයේ (ටිබෙට්) ක්වින්ගයි ප්රාන්තයේ වෙසෙන එඬේර ප්රජාවගේ පාරම්පරික ඉඩකඩම් දේපොළ සියල්ල තමන්ට පවරා දෙන ලෙසට චීන බලධාරීහු ඔවුන්ට බලකරමින් පැවරුම් ලේඛනවලට අස්සන් ගැනීමට සැරසෙති.
තිබ්බතවාසී වර්තමාන එඬේර ප්රජාවද ඈත අතීතයේ විසූ සිය මුතුන්මිත්තන් ගත් මඟම යමින් ගව රැළ තැනින් තැන දක්කා යමින් ජීවත් වෙති.
මේ පිරිසට හිමි පාරම්පරික ඉඩම්වලට ඇතුළුවීමට පවා ඉඩ නොදී ඔවුන්ගේ ඉඩකඩම් තමන්ට ලිඛිතව පවරා දෙන ලෙසට චීන බලධාරීන් විවිධ අන්දමේ බලපෑම් කරන බව තිබ්බතයේ ‘රේඩියෝ ෆ්රී ඒෂියා’ සේවය නිවේදනය කරයි.
චීනයේ වෙන්ඩුඕ පළාතේ තිරුන්ඩි එඬේර ජන කලාපයේ වෙසෙන එඬේර ප්රජාවගේ ඉඩකඩම් මේ අන්දමින් කොල්ලකා තිබේ.
වීන ආණ්ඩුව දැනට වසර පනහකට පෙරදී තිබ්බත එඬේර ප්රජාවට රිසි සේ සිය ගවයන්ට තණ කවාගැනීමට කැමැත්ත ප්රකාශ කර ඉඩදී තිබිණි. ඒ කාලය අවසන් බව දැන් චීන බලධාරීහු ප්රකාශ කරති.
තිබ්බත ප්රජා නායකයකු සහ ඔහුගේ බෑනා කෙනකු පසුගිය අගෝස්තු මාසයේ මුල් සතියේදී ක්වින්ගයි ප්රාන්තයේ ගවයන්ට තණ කවමින් සිටිදී අත්අඩංගුවට ගෙන ඇති බව තිබ්බතයේ ‘රේඩියෝ ෆ්රී ඒෂියා’ සේවය නිවේදනය කර තිබේ.
