භාරත අගමැති නරේන්ද්ර මෝදි පරිසරය ආරක්ෂා කිරීම සඳහා “තනි වචනයක ව්යාපාරයක්” One Word Movement පිළිබඳ යෝජනාවක් ග්ලෝස්ගෝව්හි පසු ගියදා පැවැති සමුළුවේදී ඉදිරිපත් කෙළේය.
“තනි වචනය” LIFE යන්න බවද, එය Lifestyle for Environment “පරිසරය සඳහා වන ජීවන රටාව” යන්නෙහි කෙටි යෙදුම බවද පැහැදිලි කළ හෙතෙම එය “ලෝකයේ මූලික පදනම” වියහැකි බවද, විසඳුම වියයැකි බවද, ඒ සඳහා සාමූහික සහභාගිත්වය අවශ්ය බවද පෙන්වා දුන්නේය.
“තනි වචනයේ ව්යාපාරය” පාරසරික සංවේදීතාවයි. එම ව්යාපාරය විශාල මහජන ව්යාපාරයක් විය හැකියි. එසේ නොවුවහොත් පරිසරය අන්තවාදී මන්දබුද්ධික පරිභෝජනයකට පාත්රවිය හැකියි. මන්දබුද්ධික හානිකර පරිභෝජනයෙන් බැහැරව බුද්ධිමත් අර්ථාන්විත මෙහෙයුම් සහ ආයෝජනවල යෙදිය යුතු අවදිය උදාව ඇතැයිද අගමැති මෝදි ප්රකාශ කෙළේය.
එසේ එකමුතුව ප්රගමනය උදෙසා පිය නඟන කල්හි ධීවර, කෘෂිකෘෂිකාර්මික, යහසාධන, සුරක්ෂිත ආහාරමය, නිවාස, සංචාරක, වස්ත්ර, මෝස්තර, ජල කළමනාකරණ සහ බලශක්ති වර්ධන ආදී සෑම විෂය පථයකම ඉලක්ක සාක්ෂාත් කරගත හැකි අන්දමද ඔහු අවධාරණය කෙළේය.
ඒ සඳහා අවශ්ය වන්නේ සෑම දෙනාගේම බුද්ධිමය සංවේදීතාවයි. ලක්ෂ කෝටි සංඛ්යාත්මක ප්රජාවකගේ සංවේදී බුද්ධිමය තේරීම යනු කාලගුණික තත්ත්වය වෙනස් කිරීම අරමුණින් තැබෙන පියවර කෝටි ප්රකෝටි ගණනක් විය හැකි යැයි ඔහු කීය.
කාලගුණික වෙනස්වීම පරාජය කිරීම උදෙසා ඉන්දියාවේ ක්රියාත්මක කෙරෙන සූර්ය බලශක්ති සමගි සන්ධාන ගිවිසුම ඒ සඳහා හෙතෙම උදාහරණ වශයෙන් ගෙනහැර පෑවේය.
කාලගුණික වෙනස්වීම් තත්ත්වයන්හිදී හානි සිදුවන යටිතල පහසුකම් යාවත්කාලීන කිරීමේ අරමුණින් අපි සන්ධානගත වීමු. එය දෛනික ජීවිතයේ කාර්යභාරයන් සුරක්ෂා කරගැනීම වෙනුවෙන් කෙරෙන වැදගත් එමෙන් සංවේදී ක්රියාමාර්ගයකි.
2070 වන විට සමස්ත ඉන්දියාව වායු දූෂණයෙන් Net-Zero අත්මිදෙන බව ගැනද ඔහු විස්තර කෙළේය.
ලෝකයේ සමස්ත ජනගහනයෙන් දුම්රියෙන් ගමන් කරන සංඛ්යාව ඉන්දියාවේ එක් වර්ෂයක කාලයක දී ගමන් ගන්නා බව කී අගමැති මෝදි මේ සා දැවැන්ත දුම්රිය ගමනා ගමන පද්ධතිය 2030 වනවිට වායු දූෂණයෙන් තොරව පවත්වා ගෙන යන බවද එමගින් වායු දූෂණය වර්ෂයකට ටොන් හැටක ධාරිතාවකින් අඩුවෙන බවද කීය.
පැරිස් ගිවිසුමේ මාර්ගෝපදේශ අනුව ග්ලාස්ගෝ සමුළු සාමාජිකත්වය කටයුතු කර එකයි දශම පහක් වශයෙන් වෙනස් වන කාලගුණික වර්ධන වේගය පහත හෙළීමට කටයුතු කරන බවද භාරත අගමැති මෝදි කීවේය.
චන්ද්රසේන මාරසිංහ
