ඔමික්‍රෝන් මාරයා චීනය ගිලගනී

කොවිඩ්-19 ඔමික්‍රෝන් ප්‍රභේදය මේ වනවිට සමස්ත චීනය පුරාම ශීඝ්‍රයෙන් පැතිරයමින් තිබේ.

චීනයේ ප්‍රධාන වරාය නගර වන “දාලියන්”සහ“තියාන්ජින්”වැනි මර්මස්ථානවල ව්‍යාපාරික කටයුතු මේ වනවිට අඩපණවී ඇත.

මේ නිසා සැපයුම් ජාලයට සහ අර්ථිකයට ද දැඩි බලපෑමක් එල්ලවී ඇතැයි හොංකොං ප්‍රවෘත්ති සේවය කියයි. 2022 ර්ෂයේ දළ දේශීය නිෂ්පාදනය සියයට හතරයි දශම අටේ(4.8%)සිට සියයට හතරයි දශම තුන(4.3%)දක්වා අඩුවෙන සෙයක් දක්නට ලැබෙන බවද එය පසුගිය වර්ෂයේ (2021)ඇස්තමේන්තුව කළ දළ දේශීය නිෂ්පාදනයට හරි අඩකින්ම අඩුවීමක් බව ද ජාත්‍යන්තර මූල්‍ය සේවා ආයතනයක් වන පවසයි.

පළමු කාර්තුවේ දළ දේශීය නිෂ්පාදනය සියයට හතරයි දශම නමයක්(4.9%)බවට මුලදී පුරෝ කථනය කර තිබුණ ද ඒ ඇස්තමේන්තුව සියයට හතරයි දශම දෙක(4.2%)දක්වා අව ප්‍රමාණ වෙතැයි ගණන් බලා තිබේ.එ සේ වීමට හේතුව තවත් පළාත් ගණනාවකට ඔමික්‍රෝන් වෛරසය පැතිරී නගර ගණනාවක් අගුලු දැමීමට හේතු විය හැකි හෙයිනි.

පසුගිය වර්ෂයේ අවසාන කාර්තුවේ දත්ත සමග සමස්ත වර්ෂයේම දළදේශීය නිෂ්පාදනය පිළිබඳ දත්ත සඳුඳා ඉරිපත් කිරීමට නියමිත බව ප්‍රවෘත්ති සේවය කියයි.
පැතිරීමේ අවදානම නගර ගණනාවකට බලපෑමෙන් සේවා සැපයීමේ විශාල බිඳවැටීමක් සිදුවෙතැයි විශ්ලේශකයෝ පවසති.

චන්ද්‍රසේන මාරසිංහ