ආරෝග්යශාලා පරීක්ෂක සෙනෙවි
1800 මාර්තු මාසයේදී ආරෝග්යශාලා කටයුතු සොයාබලා නිසි පරිදි ඉටුකිරීමට ආරෝග්යශාලා සෙනෙවි තනතුරට අයකු පත්කරන ලදී. එයින් පසු සිවිල් හා යුද ආරෝග්ය ශාලා සියල්ල පාලනය කිරීමේ බලතල ඔහුට පැවරුණු අතර, හේවායන් සඳහා බටහිර බෙහෙත් හලක් ආරම්භයටද කටයුතු සිදුකෙරිණි.
රට වටේම රෝහල්
ලන්දේසින් සෑදූ ලාදුරු රෝහල යළිත් 1800දී ප්රතිසංස්කරණය කර නැවත ප්රයෝජනයට ගත හැකි අයුරින් සකසා භාවිත කෙරුණු අතර ඉන් සෞඛ්යයට සිදුවූ මෙහෙය අතිවිශාලය. එහෙත් 1800 අප්රේල් වන විට වසූරිය ශීඝ්රයෙන් පැතිර යෑමට පටන්ගත් හෙයින් කොළඹ, යාපනය, ත්රිකුණාමලය සහ ගාල්ල යන දිස්ත්රික්කවල ආරෝග්යශාලා පිහිටුවන ලදී.
වසූරියට එන්නතක්
වසූරිය සෑදුණු විට රෝගියා නිවෙසේ කාමරයක තබා අනෙක් අය පිටව යෑමේ සිරිත පිළිබඳ සෑහීමට පත් නොවූ බ්රවුන්රිග් 1776දී නිපදවීම ආරම්භ වූ එන්නත් යළිත් ජනයාට ලබා දෙමින් කන්ද උඩරට ජනයාටද මෙය ලබාදෙන ලදී.
එහෙයින් රෝගය යටපත්ව ගොස් අතුරුදන් වූ අතර ඉන් සෞඛ්යයට සිදුවූ යහපත අති විශාලය.
