බොහෝ දෙනාගේ කතාබහට ලක්වී ඇති නිර්මාණයක් වන ‘ඉර හැංගිලා’ ටෙලිනාට්යයේ තිර රචකයා වන සුනෙත් වර්ණසූරිය සමගයි අද කතාබහ.Sri Lanka Latest News
සුනෙත් ඔබ තිර රචනා කළ ‘ඉර හැංගිලා’ ටෙලිනාට්යයට මේ දවස්වල ප්රේක්ෂකයන්ගෙන් විශාල වශයෙන් ප්රතිචාර ලැබෙනවා කියලා ආරංචියි. මොකද ඒ ගැන හිතෙන්නේ?
‘ඉර හැංගිලා’ රසවිඳින සියලු ප්රේක්ෂකයන් කතාවේ ඉස්මතු වන චරිත හා ඒ සිදුවීම් ඔවුන්ගේ ජීවිත අත්දැකීම් බවට පත්කරගෙන තියෙනවා. මම හිතුවාටත් වඩා හොඳ ප්රතිචාර මටත් ලැබෙනවා. ඉතින් ඒක මටත් සතුටක්.
දිරිය ගැහැනියකගේ කතාවක් ‘ඉර හැංගිලා’ තුළින් ඉස්මතු වෙනවා. මේ තේමාව තෝරාගන්න විශේෂ හේතුවක් තිබුණද?
විශේෂයෙන්ම සඳහන් කරන්න ඕනේ චාරුක තමයි මට කිව්වේ මේ වගේ කතා තේමාවක් ඕනෙ කියලා. ඒ අනුව තමයි ‘දිල්මා’ චරිතය පාදක කරගෙන අනෙකුත් චරිත නිර්මාණය කළේ. තිර පිටපත රචනා කරද්දිම මගේ ඔළුවට ආවේ දිල්මා චරිතයට දිලිනි ලක්මාලිව යොදා ගන්න. අනෙක් චරිතවලටත් ගැළපෙන ශිල්පීන් තෝරාගෙන තිබෙනවා. ඇත්තටම මම දැකපු සියලු චරිතවලට සියලු ශිල්පීන් සාධාරණයක් ඉෂ්ට කරලා තියෙනවා.
ප්රේක්ෂකයන් නිර්මාණය තුළ රඳවා ගැනීමට ඇතැම් නිර්මාණකරුවන් ලිංගිකත්වය එක් කරගෙන තියෙනවා. ඔබත් එවැනි උත්සාහයක් දැරුවද?
ලිංගිකත්වය නිර්මාණයක් තුළින් පෙන්වීමට අවශ්ය නැහැ. මුදලාලි චරිතය තුළත් තියෙන්නේ කාමාශාව තියෙන චරිතයක්. නමුත් මම එය චරිතයට ඕනෑවට වඩා ගෙන ඒමට උත්සාහ කළේ නැහැ. එය පෙන්වන්න අවශ්ය සිද්ධීන් තුළ නිර්මාණය කළා. පවුලේ සියලු දෙනාටම එකට ඉඳගෙන රසවිඳින්න පුළුවන් විදියට තමයි මම ‘ඉර හැංගිලා’ නිර්මාණය කළේ. මම තිර රචනයේදී ගොඩක් පරිස්සම් වෙන කෙනෙක්. සියලු චරිතවලට මම උපරිම සාධාරණයක් කරලා තියෙනවා කතාව පුරාම.
වසන්ත විතාරණගේ
