පාසල් වේදිකාවෙන් වේදිකා ජීවිතය ආරම්භ කර අද වනවිට සම්මානනීය වේදිකා නිළියක් වන නදීශානි පේලිආරච්චි ඉදිරියේදී වේදිකාගත වීමට නියමිත ‘බි්රස්බේන් මනාලයා’ තුළින් ආදරණීය ඔබ හමුවීමට නියමිතයි. නදීශානි සමග ඒ ගැන කතාබහ කරන්න ‘හාට්’ අපි ඇයව සම්බන්ධ කරගත්තා.Sri Lanka Latest News
කොහොමද මේ දවස්වල රංගන ජීවිතේ?
මේ දවස්වල අසංක සායක්කාර අධ්යක්ෂණය කරන කොටු ටෙලිඩ්රාමා එකේ වැඩකටයුතු සහ ඉදිරියේදී විකාශනය වීමට නියමිත සිත නිදි නෑ ටෙලි නාට්යයේ වැඩ කටයුතු කරනවා. ඒ වගේම වේදිකාව පැත්තෙන් ගත්තොත් අජිත් ලොකුගේ අධ්යක්ෂණය කරන සිත නිදි නෑ ටෙලිනාට්යයේ වැඩකටයුතු කරනවා. ඒ වගේම වේදිකාව පැත්තෙන් ගත්තොත් අජිත් ලොකුගේ අධ්යක්ෂණය කරන කපිල කුමාර සාරංග රචනා කරපු බි්රස්බෙන් මනාලයා නාට්යයට සම්බන්ධ වෙලා ඉන්නවා. හේමන්ත ප්රසාද් අධ්යක්ෂවරයාගේ නාට්යයකටත් මේ දවස්වල සම්බන්ධ වෙලා ඉන්නවා.
‘බි්රස්බෙන් මනාලයා’ වේදිකා නාට්යය ගැන කතා කළොත්?
මට ලැබිලා තියෙන්නෙ මැදි වියේ චරිතයක්. මං මේ වගේ චරිතයක් රඟදක්වන පළමුවැනි වතාව. විහිළු චරිතයක්. සුන්දර මැදි වියේ කාන්තාවකගේ සිතුවිලි එක්ක ජීවිතේ තියෙන ඒකාකාරීකම වගේම ජීවිතේ හොයාගෙන යන ලස්සන චරිතයක්.
කලා මාධ්යයන් තුන අභියෝගාත්මකද?
වේදිකාව, රූපවාහිනිය, සිනමාව එකිනෙකට වෙනස් ශානරයන් තුනක්. ඇත්තටම අභියෝගාත්මකයි. අරකට වැඩිය මේක හොඳයි නරකයි කියලා කියන්න බෑ. අභියෝගාත්මක වුණත් ඉදිරියට යන්න පදනම වැටුණේ වේදිකාවෙන්.
වේදිකාව තුළදී ලැබෙන ක්ෂණික ප්රතිචාර රංගනයට බාධාවක් වුණාද?
වේදිකාවේ මුල් කාලයේ රංගනයේ යෙදෙන විට ඒක අමුතු කුතුහලයක් මොකක්ද දැන් මේකට කරන්නේ කියලා හිතනවා මිසක් ඒක බාධාවක් නෙමෙයි. නාට්යය යන අතරතුරේ ප්රේක්ෂකාගාරය හිනාවෙනකොට අපිට නාට්යය නතර කරන්න බෑ. මුල් කාලේ කුතුහලයක් තිබුණත් දැන් එහෙම නෑ. ඇත්තටම මේවා හරි තාක්ෂණික කාරණා. අත්දැකීමෙන් තමයි ලැබෙන ක්ෂණික ප්රතිචාර බාධාවක් නොවන ආකාරයට ගොඩනගා ගන්නේ. මං රඟපාපු හැම නාට්යයකම වගේම මේ වගේ ප්රතිචාර ලැබිල තියෙනවා.
ඔබ රංගනයට අමතරව මනෝ උපදේශකවරියක්. කොහොමද වෘත්තීන් දෙකක් කරන්නේ?
ඇත්තටම මේ වෘත්තීන් දෙකම එකිනෙකට සම්බන්ධ වෘත්තීන් දෙකක්. මුල් කාලයේ මගේ වෘත්තිය රංගනය. මේ වෙනකොට මගේ ප්රධාන වෘත්තිය මනෝ උපදේශකවරියක් ලෙස කටයුතු කිරීම. විශේෂයෙන් කියන්න ඕනෙ කාරණාවක් තමයි මම රංගනය කරන්න ගත්තේ සමාජයේ මිනිස්සුන්ට යහපතක් කරන්න ඕනෙ කියල හිතාගෙන. ඒක මං අද කරනවා. මම රංගනය ජනප්රිය වෙන්න හිතාගෙන කළේ නෑ. සමාජයට යහපතක් කරන්න තමයි පටන් ගත්තේ. මිනිස්සුන්ට යහපතක් කරන්න පුළුවන් වෘත්තීන් දෙකක්. මම සතුටු වෙනගමන් මම අනික් මිනිස්සුත් සතුටු කරනවා.
රංගන ජීවිතයට ලැබෙන ප්රතිචාර කොහොමද?
වාසනාවකට මට හොඳ ප්රතිචාර ලැබෙනවා. මං මේ වෙනකම් රඟපාපු හැම චරිතයකටම හොඳ ප්රතිචාර ලැබිලා තියෙනවා. හැබැයි මෙහෙම කාරණාවක් තියෙනවා. මට කරන්න හම්බෙන ගොඩක්ම චරිත විලන් රෝල්. මං රඟපාපු චරිතවල තරහට මට බණින ප්රේක්ෂක පිරිසකුත් ඉන්නවා. චරිතේ නම කියලම බණින අවස්ථා තියෙනවා. ‘සිදු’ ටෙලිඩ්රාමා එක රඟපාපු කාලේ ආච්චි කෙනෙක් ඇවිල්ල මගේ අතින් රිදෙන්න අල්ලලා නම මොකක්ද කියලා ඇහුවා. ‘මොන නදීශානියෙක්ද රූපිකා නම, ඔය වගේ දේවල් කරන්න එපා අර පොඩි හාමුදුරුවන්ට’ කියලා බැන්නා. ඒවත් මට ලැබෙන ප්රතිචාර තමයි. මං ඒ චරිත හොඳට කරලා තියෙනවා කියල තේරුණාම. ඒ වගේම දුකයි විලන් චරිත නිසා හැමෝගෙන්ම බැණුම් අහන්න වෙනවා.
කොහොමද පවුලෙන් ලැබෙන සහයෝගය?
මට ඉතාමත් අවබෝධයෙන් සිටින ස්වාමිපුරුෂයෙක් ලැබිලා තියෙනවා. එයත් මේ කලා ක්ෂේත්රයේ ඉන්න කෙනෙක්. ඒ වගේ මගේ අම්මා මගේ කැමැත්තට ඉඩ දීලා මට සහාය දුන්නා. තාත්තා නම් කැමැති නෑ මං රඟපානවාට. ඉතින් මගේ පවුලෙන් මට ගොඩක් හොඳ අවබෝධයක් සහ සහයෝගයක් දෙනවා.
