විවිධ මාදිලියේ ජනප්රිය ගීත රැසක් නිර්මාණය කර ඇති ප්රවීණ සංගීත නිර්මාණවේදී, ‘ගැලැක්සීස්’ සංගීත කණ්ඩායම් වාදන ශිල්පී ප්රියන්ත නාවලගේ මෙවර නත්තල් සැමරුම වෙනුවෙන් නත්තල් කැරොල් ගී ත්රිත්වයක් නිර්මාණය කර ඇත. සෑම වසරකම කිතුනු ගීත නිර්මාණය සඳහා වැඩි ඉඩක් ලබාදෙන ප්රියන්ත මේ වනවිට නිර්මාණය කරන ලද කිතුනු හා නත්තල් කැරොල් ගීත ප්රමාණය පනහකට ආසන්නය.Sri Lanka Latest News
සිරස නිර්මාණය කළ සුපර් ස්ටාර් තරු රැසකට නත්තල් ගීත නිර්මාණය කර ඇති ඔහු, මේ දිනවල නිතරම ගුවන් විදුලි මාධ්යයෙන් ප්රචාරය වන දිමංක වෙල්ලාලගේ ගායනා කරනු ලබන ‘ජේසු ජේසු ඔබ මාගේ රජු වේ’ යන ගීතයේ ද නිර්මාණකරුවා වෙයි.
‘මැදියම් රෑ හඬ නංවන සීනු නාදයයි
අඳුරු රෑ අඳුර දුරලන තරු එළි
ජේසු උපත කියයි
සුරඟන ගී මුමුණනවා ගුවනේ තටු සල සලා
ගොපලු බැටළු සුරකිනවා
ජේසු බිලිඳු වටවෙලා’
මෙම ගීතය ගැලැක්සීස් සංගීත කණ්ඩායමේ නායක රෝයි ප්රනාන්දු සමගින් අජිත් පෙරේරා, චාමින්ද විමලසේන සහ ප්රියන්ත නාවලගේ විසින් ගායනා කරනු ලබයි. මෙය විචිත්ර රූප රචනාවක් සමගින් රූපවාහිනී නාලිකා හා සමාජ මාධ්ය තුළින් රසවිඳීමට අවස්ථාව සලසා ඇත.
