ඔබට දැන් කොහොමද?
තවම සුවයක් නැහැ.
පසුගිය සතියේ ටිකට් කැපුවා. තවම කතාබහ කරන්න අපහසුතාව ටිකක් තියෙනවා. ඒත් මාධ්යවලින් කතා කරනකොට කතා නොකර ඉන්න බැරි නිසා කතා කරනවා. මොකද ඔවුන් කරන සේවාව සුළුපටු සේවාවක් නොවන නිසා.
හොඳට ප්රසංග වේදිකාවේ සින්දු කියපු ඔබට එකපාරටම මොකද වුණේ?
මම හොඳට ප්රසංගවල ගීත ගායනා කළා. ඒත් රෝගය ගැන මම වැඩිය ගණන් ගත්තේ නැහැ. පසුගිය අවුරුද්දේ මැද භාගයේ විතර මට අපහසුතාව තිබුණා. මම කියන්න බැරිකමට එය සඟවාගෙන හිටියා. ඊට පසු රෝගය උත්සන්න වුණා. මම හිතාගෙන හිටියේ අපස්මාරය රෝගය කියලා. පස්සේ මම නවලෝක රෝහලට ගිහින් පරීක්ෂා කළා. එවිට තමයි දැනගත්තේ පිළිකාවක් කියලා.
ඔබේ අසනීප තත්ත්වය අක්මාවට බලපෑවේ කොහොමද?
ශල්යකර්මයේදී අක්මාවට පොඩි ඩැමේඞ් එකක් වෙලා තිබුණා. කොළඹ ජාතික රෝහලේ වෛi අධ්යක්ෂතුමන් ඇතුළු සියලුම වෛiවරුන් මගේ සුවදුක් ගැන නිරන්තරයෙන් සොයා බලා කටයුතු කළා. ඒ වගේම මගේ සුව දුක් විමසා බලා කටයුතු කළ අපේක්ෂා රෝහලේ සියලුම වෛiවරුන්ට සහ හෙද නිලධාරි මණ්ඩලයට වගේම, කීර්ති පැස්කුවල් මහතාට වගේම සියලුම මාධ්ය ආයතනවලටත් ස්තුතිය පුදකරනවා මේ වෙලාවේ.
වෛiවරුන් පවසන්නේ මොනවාද?
ඔවුන් පවසන්නේ මට විවේකීව ඉන්න කියලා තමයි. ප්රසංගවලට දැන්ම යන්න එපා කියනවා. නියමිත වේලාවට බෙහෙත් ටික බොන්න කියලා තමයි ඔවුන් උපදෙස් දුන්නේ.
අසනීප තත්ත්වය නිසා ඇමෙරිකා සංචාරයක් මඟහැරුණා නේද?
ඒ හැමදේටම වඩා නිරෝගීකම වටිනවා. ඒ නිසාම තමයි ඇමෙරිකා ප්රසංගය සඳහා සහභාගි නොවුණේ. මම ගියා නම් මෙයට වඩා අමාරු වෙන්න තිබුණා.
තව කොපමණ කාලයක් ඔබට විවේකීව ඉන්න වෙයිද?
බොහෝ දුරට මාස තුනක්වත් මට ගෙදරට වෙලා ඉන්න වෙයි. දැන් ඉතින් කොරෝනා වෛරසය නිසා විදේශීය ප්රසංගවලටත් ආරාධනා අඩුවෙයි.
සංයුක්ත තැටියක් නිර්මාණය කිරීමට යන බවට ආරංචියක් ආවා?
ඔව්. විවේකීව කාලය ගතකරන නිසා මේ මාස කිහිපයේ මගේ ගීත තුන්සිය පනහක් විතර එකට එකතු කරලා සංයුක්ත තැටියක් ගහලා ගුවන් විදුලියට දෙන්න සැලසුම් කරනවා.
නොමිලේද ඒ ගීත ගුවන්විදුලියට ලබාදෙන්නේ?
ඔව්. කලාව මට මිල කරන්න බැහැ. මගේ වටිනා ගීත පෙළම මගේ ආදරණීය රසික රසිකාවියන්ට ශ්රවණය කිරීමට මම එය නොමිලේ ගුවන්විදුලියට පරිත්යාග කරනවා.
අනාගත සැලසුම කොයි වගේද?
දෙයියනේ කියලා යථා තත්ත්වයට පත්වුණාම සුපුරුදු පරිදි මම සින්දු කියනවා. මේ වසරේ අවසානයේ ලොකු ප්රසංගයක් කරලා ඒ සියලුම මුදල් මහරගම අපේක්ෂා පිළිකා රෝහලට මම ලබා දෙනවා.
වසන්ත විතාරණගේ
