මේ දවස්වල පුංචි තිරයේ විකාශය වන ටෙලිනාට්ය අතර ජනප්රිය ටෙලිනාට්යයක් තමයි ‘සිහිනි’ ටෙලිනාට්යය. සිහිනිට දෙස්-විදෙස් රසික, රසිකාවියන් ආදරය කළා. ඒ ආදරය තුළ සිහිනී නිසා ෂොහානි කහඳවලගේ සැබෑ ජීවිතයට අලුත් ආදර කතාවක් එය අතරතුර එකතුවුණා. එය ගැන මාධ්යයට පළමු වතාවට ‘මව්රට’ට පැවැසුවා ඇය.
සිහිනි ගැන බොහෝ දෙනෙක් කතාබහ වෙනවා. ඉතින් ෂෙහානි සිහිනිව දැනුණේ කොහොමද?
මම කරපු අනෙකුත් නිර්මාණවල චරිතවලට වඩා හාත්පසින්ම වෙනස් විදියට තමයි සිහිනිව මට දැනුණේ. මම හිතන්නේ මගේ ආදරණීය ප්රේක්ෂකයන්ටත් ඒ වෙනස දැනෙන්න ඇති. ගොඩදෙනෙක් මගේ රංගනයෙන් දුටුවේ සෙල්ලක්කාර චරිත තමයි. ඒත් සිහිනි අහිංසක නිසා ගොඩදෙනෙක් සිහිනිට එක්රොක් වුණා.
සිහිනි නිසා ෂෙහානි ජීවිතය අලුත් පිටුවක් පෙරළුවා නේද?
ඔව්. සිහිනිට ගොඩදෙනෙක් ආදරය කළා. හදවතින් ඒ අතර සිහිනි නිසා මම පෙම්වතියක් වුණා සැබෑ ජීවිතයේ. මගේ පෙම්වතාගේ තාත්තා ‘සිහිනි’ ටෙලිනාට්යය බලනවා. ඉතින් තාත්තා තමයි මම ගැන කියලා තියෙන්නේ. පස්සේ ඉතින් ඔහු මම ගැන හොයලා යාළුවො විදියට කතාබහ කළා. ඒ මිතුදම ආදරයක් දක්වා දුරගියා දැන්.
ඒ ආදර කතාව එක වහලයක් යටට යන්න සූදානම් කියන්නේ ඇත්තද?
අපෝ තවම එය ගැන හිතල නැහැ. බලමු ඉතින් කාලයත් එක්ක හැම දේම ලස්සනට සිදුවෙයි.
විවාහයෙන් පස්සේ ෂෙහානි කලාවෙන් ඈත්වෙයිද?
කලා ක්ෂේත්රයෙන් මම ඈත් වෙන්නේ නැහැ. බොහෝ දුරට සීමිත ප්රමාණයක නිර්මාණවලට සම්බන්ධ වෙයි. කලාවයි පවුල් ජීවිතයයි පටලගන්න කැමැති නැහැ මම.
පසුගිය කාලේ ලක්ස් තරුවක් වෙලා එංගලන්තේ ගියා කියලා ආරංචියි?
ඔව්. ලංකාවෙන් ගියේ මම. දින හතරකට තමයි මම විදේශගත වුණේ. අත්දැකීම් වගේම දැනුම් රාශියක් එහි වැඩමුළුවලින් ලබාගෙන ලංකාවට පැමිණියා.
ජනප්රිය වැඩිවීමත් එක්ක ෂෙහානිගේ ගානත් වැඩිවෙලා ඇති නිර්මාණවලට?
එය මගේ පෞද්ගලික කාරණාවක්. එය ගැන මම කතා කරන්න කැමැති නැහැ.
චිත්රපට සඳහා සම්බන්ධ වීමට අදහසක් නැතිද?
චිත්රපටයකට සම්බන්ධ වීමට ලොකු ආශාවක් තිබෙනවා.
පසුගිය කාලේ එක දිගට ලැබුණු ටෙලිනාට්යවලින් ආරාධනා ලැබුණු නිසා එයට සම්බන්ධ වුණා. ඒ නිසා චිත්රපටයකට ආරාධනා ලැබුණත් ඒ වෙනුවෙන් කාලයක් වෙන් කරන්න බැරි වුණා මට.
ඔබ නිරූපිකාවක් විදියටද මේ ක්ෂේත්රයට සම්බන්ධ වන්නේ?
මම නිරූපිකාවක් නෙවේ. ෂශිකා නිසංසලා අක්කාගේ ගීතයක මියුසික් වීඩියෝවකට සම්බන්ධ වුණා. ඒ හරහා තමයි කලාවට එකතු වන්නේ. එයට අමතරව නිවේදිකාවක් විදියට කාලයක් වැඩකටයුතු කළා.
වසන්ත විතාරණගේ
