විනුගේ Birthday ලැබුණු කෝටියක් වටින සුපිරි තෑග්ග

විනූ උදානි සිරිවර්ධන කියන්නේ මෑත කාලයේදී බොහෝ දෙනාගේ ආදරය දිනා ගත් කලාකාරිනියක්. මිස් ශ්‍රී ලංකා කිරුළ දිනා ගනිමින් කලා ලොවට අවතීර්ණ වුණු විනූ, නිරූපිකාවක්, රංගන ශිල්පිනියක් වගේම රූපවාහිනී නිවේදිකාවක් ලෙසත් ජනප්‍රියත්වයට පත්වුණා.

හැම දෙනාගේම ආදරය දිනා ගත්ත විනූ මීට මාස 6කට කලින් විවාපත් වූ බවත් හැමෝම දන්න කාරණාවක්. තම විවාහයේ සය මස් සැමරුමත් ඉතාම උත්සවාකාරයෙන් සමරන්න විනූ සහ ඇගේ ස්වාමියා කටයුතු කරලා තිබුණා.

මේ අතරේ විනුගේ 29වැනි උපන්දිනය පසුගිය සතියේදී උදා වුණා. තමන්ගේ ආදරවන්තයාගෙන් උපන්දිනයට අමතක නොවන උපන්දින තෑග්ගක් ලබන්න ඕනෑම ආදරවන්තියක් ආසයි. ඒ වගේම මේ සැරේ උපන්දිනයට විනූටත් ජීවිතේට අමතක නොවන උපන්දින තෑග්ගක් ලැබුණා.
ශ්‍රී ලංකා මුදලින් රුපියල් කෝටියකට වැඩි වටිනාකමින් යුතු නවීන පන්නයේ කාර් රථයක් තමයි ඇගේ උපන්දින තෑග්ග විදියට විනූට ලැබුණේ. ඇගේ සැමියා වන කසුන් තමයි මේ තෑග්ග විනූට දීලා තිබුණේ. තෑග්ග ලැබෙන්න කලින් මේ ගැන විනූ කිසිම දෙයක් දැන ගෙන ඉඳලා නැහැ. ඒ හින්දම නොසිතූ මොහොතක ලැබුණු මේ තෑග්ග ගැන විනූ පුදුමයෙන් පුදුමයට වගේම ඉතාම සතුටටත් පත් වුණු බව අපට දැන ගන්න ලැබුණා.

කිසිම දෙයක් දැන ගන්න ලැබෙන්නේ නැති විදියට මේ තෑග්ග විනූට දෙන්න කසුනුත් දැඩි පරිශ්‍රයමයක් දරලා තිබුණා. මොකද විවාහයෙන් පස්සේ හැම තැනටම මේ දෙන්නා ගමන් කළේ එකට. ඒ හින්දා මේ තෑග්ග සඳහා අවශ්‍ය මූලික කටයුතු සැලසුම් කරද්දී බොහෝ පරිස්සම් වෙන්න කසුන්ට සිද්ධ වුණා. කොහොම වුණත් ඒ වැඩේට කසුන්ගේ යාළුවන්ගෙන් ලොකු සහයෝගයක් ලැබිලා තිබුණා.

කොහොම වුණත් විනූගේ ආදරය දිනා ගත්ත වගේම විවාහයෙන් පස්සේ එළැඹුණු විනූගේ පළමුවැනි උපන්දිනයට ඇයව පුදුම කරවමින් ජීවිතේට අමතක නොවන තෑග්ගක් ලබා දෙන්නත් කසුන්ට පුළුවන් වුණා. මේ හැම දෙයක්ම හින්දා මේ දෙන්නා මේ දවස් ටිකේ හරිම සතුටින් ඉන්නේ. මව්රට පාඨකයන් වෙනුවෙන් අපි විනූට සුබ උපන්දිනයක් ප්‍රාර්ථනා කරන ගමන් ඔවුන් දෙදෙනාට සාර්ථක අනාගතයක් ප්‍රාර්ථනා කරන්නත් මේක අවස්ථාවක් කර ගන්නවා.
දසුන් ප්‍රිය