රෑට චැනල් තුනකම ඉන්නවා…
අහිංසක චරිතවලට මැදිව සිටින ටෙලි තාරකාවන් අතර තරුෂි පෙරේරාට හිමි වන තැන ප්රමුඛය. රැලි සහිත දිගු කොණ්ඩය, අහිංසක හිනාව සමඟ ඇගේ හෙමින් කතාබහ තිබිණි. අහිංසක පෙම්වතියට තරුෂිව කොටුකර තබන්නට ටෙලිනාට්ය අධ්යක්ෂවරුන් හුරුව සිටියද වෙනස් චරිත රඟපෑමේ කැමැත්තක්ද තමා තුළ තිබෙන බව තරුෂි කිහිප වතාවක්ම මාධ්ය හමුවේ පවසා තිබිණි. අලුත් වැඩකට තරුෂි අත ගහන්න මානබලන බව ‘මව්රට’ට අහම්බෙන් වාගේ ආරංචි විය. ඒ ගැන තොරතුරු සනාථකර ගන්නට දුරකතන ඇමැතුමක් දෙන මොහොතේ තරුෂි සිටියේ රූගත කිරීමකය. හැමදාමත් මාධ්ය සමඟ සුහදව සිටින, තිරයේ වාගෙම සැබෑවටද නිහතමානී චරිතයක් වූ තරුෂි සිය කාර්යබහුල පසුබිම මැද ‘හාට්’ සමඟ සුහද කෙටි කතාබහක නියැළුණේ මෙලෙසිනි.
මේ දවස්වල ඔබ බොහෝ කාර්යබහුලයි?
ටෙලිනාට්ය තුනකම රූගත කිරීම් විටින් විට යෙදෙනවා. නීල පබළු, අකුරු මැකී නෑ සහ දෙවැනි ඉනිම සමඟ කඩින්කඩ එය සිදුවෙනවා.
එක රැයක චැනල් තුනක ඔබ විවිධ චරිත මවනවා?
ඔව්… ප්රේක්ෂකයන් අතර හැමදාම රැඳී සිටීම ගැන සතුටක් දැනෙනවා.
කොහොමද තරුෂි ඔය සියලුම රූගත කිරීම් බැලන්ස්කර ගන්නෙ?
රූගත කිරීම් සියල්ල සිදුවන්නේ කොට්ටාව, පන්නිපිටිය වැනි ලොකු දුරක් නැති පළාත්වල නිසා ලොකු ගැටලුවක් නැහැ. කොහොමත් මට චරිත සඳහා තිරපිටපත ලැබෙනකොට වුණත් ඈත පළාත්වලට යන අවදානම ගන්නේ නැහැ. මොකද පුතා තාම පුංචි නිසා. උදේ ගිහින් සවස එන්න පුළුවන් නාට්යවලට පමණයි වැඩියෙන්ම සහභාගි වන්නේ. මහත්තයත් ළඟ නැති නිසා පුතාට මම නැති තනිය දෙන්න මම කැමැති නැහැ.
රඟපෑමෙන් අයින් වෙන්න කියලා ඒ දවස්වල මහත්තයා පුංචි ගෝරියකුත් ඇද්දා නේද?
පුංචි ගෝරියක් නම් නෙවෙයි. ඒක ටිකක් ලොකුවට ගිය ගෝරියක්. මම මේ ගැන මීට කලින් මාධ්යයකට කිව්වෙත් නැහැ. බඳිනකල් සද්ද නැතුව ඉඳලා බැන්දට පස්සෙ කිවුවා බාර අරගෙන තියෙන ඒවා ඉවර කරලා රඟපෑමෙන් අයින් වෙන්නය කියලා. හරිම තද විදියට සුමේධ ඒක කිව්වේ. අනිවාර්යයෙන්ම මට එය කළ යුතුවම තිබුණා. බාර ගත්ත නාට්ය ටික ඉවර වුණු හැටියෙම වාගේ මම ප්රෙග්නට් වුණායින් පසු ඉබේටම වාගේ තාවකාලිකව හෝ රංගනයෙන් ඈත්ව ඉන්න සිද්ධ වුණා.
සුමේධට මාර සතුටක් දැනෙන්න ඇති?
අනේ එහෙමමත් නැහැ. ඉතින්… සුමේධ නපුරු කෙනෙක් නෙවෙයි. රඟපෑමෙන් අයින් වෙන්න කියලා ඔහු පණවපු අණ තුළ බොහෝ විට තිබුණේ ඊර්ෂ්යාව… තරුණ නළුවො එක්ක මම පෙම් චරිත කරන එකට සුමේධ කැමැති වුණේ නැහැ. පිරිමි කොහොමත් එහෙමයි… ඔය වාගේ තැන්වලදී බොළඳයිනේ ඉතින්.
රඟපානවට අකැමැති නම් සුමේධ නිළියක්ව බැන්දෙ ඇයි තරුෂි?
ඒක තමයි අපූරු කතාව. මගෙයි සුමේධගෙයි මැරෙජ් එක සිද්ධ වුණේ ප්රොපෝසල් එකකිනුයි. මාව බලලා කැමැති වෙලා දවස් කිහිපයක්ම මනමාල ගම් යනතුරුත් ඔහු දන්නෙ නැහැ මම නිළියක්ය කියලා. ඔහුවත් ඔහුගේ ගෙදර අයවත් ටෙලිනාට්ය බලන අය නෙවෙයි. ඒ හින්දා ටික දවසක් යනතුරු සුමේධට මං ගැන නිනව්වක් තිබුණේ නැහැ. එක දවසක් මට කිවුවා, තරුෂි මම මීට කලින් ඔයාව කොහෙදි හරි දැකලා තියෙනවාය කියලා.
හොරේ එතැනදී එළිවුණාද ඉතින්?
හොරයක් තිබුණේ නැහැ. ඉතින් එතැන ආව දවස් ටිකේ මගේ නිළිකම ගැන ඇහුවෙ නැති නිසා මමත් ඉතින් උජාරු කියන්න ගියේ නැහැ එයාට.
හරි… හරි… රඟපෑමට ආයෙම අවසර ගත්ත හැටි කියමුකෝ?
ටෙලිනාට්ය අධ්යක්ෂවරු කිහිපදෙනෙක්ම බොහොම කරුණාවෙන් එයාට තේරුම්කර දුන්නා. පස්සෙ ඉතින් යාන්තං අවසර ලැබුණා. හැබැයි චරිත තෝරා බේරා ගැනීම සහ දුර පළාත්වල ෂූටින් යන එක ගැන එයාගේ අනුමැතිය තුළ තමයි නැවැත ආරම්භය සිදුවුණේ. ඒ වගේම සුමේධ මගේ රංගන කටයුතු සඳහා ලංකාවේ ඉන්න දවස්වලට හොඳ සහායක් දුන්නා. උත්සවවලට වගේම රියැලිටි වැනි පෝග්රෑම්වලටත් සුමේධ මා එක්ක හරිම සතුටින් සහභාගි වීම මට ලොකු සතුටක්. ඇත්තටම, ඒ වගේම සුමේධ හොඳ හස්බන්ඞ් කෙනෙක්. බොහෝ විට මම සාප්පුවකට ගියත්, උත්සවයකට යන්න වුණත් මට හරියන ඇඳුම – පැලඳුම තෝරා දෙන්නට තරම් ඔහුගේ ඒ ‘හොඳකම’ ආදරණීයයි.
තරුෂි අලුත් වැඩකට අතගහන්න යන්නෙත් සුමේධගේ කැමැත්ත ඇතුවද?
අලුත් වැඩකට අත ගසන්න ඒ මොකක්ද? කවුද කිවුවේ. මම දන්නෙවත් නැහැනෙ.
අගේ නොකර කියන්න… අපට හෝඩුවාවක් දැනුණා?
නොකියා ඉන්නෙ නැහැ. අනිවාර්යයෙන් කියනවා. විශේෂයෙන් ආරංචිය මුලින්ම ‘මව්රට’ හාට් එකට කියන්නම්. හැබැයි දැන්මම නෙවෙයි. තව ටිකක් මට කල් දෙන්නකෝ.
ඇස්වහ වදියි කියලා බයයිද තරුෂි?
අයියෝ නැහැ. ටිකක් ඉන්නකෝ වෙලාව ආවම මම ම කෝල් කරලා ඉන්ටර්වීව් එකක් ඉල්ලලා කාරණය කියන්නම්.
හොඳයි තරුෂි එහෙම නම් රහසිගත මෙහෙවරට සුබපැතුම්?
ගොඩක් ස්තුතියි.., ඉක්මනින්ම ඔයාලා එක්ක ඒ ගැන කතා කරන අවස්ථාව එනකල් මම බලාන ඉන්නවා හොඳේ.
දමයන්ති රේණුකා ප්රනාන්දු
