කවුරු මොනව කිව්වත් මට කමක් නැහැ…
කොතැනද හරිදේ හරියට කෙරෙන්නේ…
ටෙලිනාට්ය තුළ වගේම සිනමාවේත් විවිධ චරිත නිරූපණය කළ
සුවිශේෂී කලා ශිල්පිනියක් තමයි රොහාණි වීරසිංහ කියන්නෙ. ඇය රඟපෑම වගේම ටෙලිනාට්ය කලාව රඳවා ගැනීම සඳහා නිෂ්පාදකවරියක් ලෙසටද කටයුතු කළා. එහෙත් ඇයගේ සමහර නිර්මාණ අපට දැකගැනීමට නොහැකි වුණා. ඉතින් කාලෙකට පස්සේ නැවැත ‘මායා මන්ත්රි’ ටෙලිනාට්ය හරහා අප හමුවට එන ඇය සමඟ මේ කරුණු කාරණා සියල්ල ගැන අප කතාබහ කළේ මේ විදියට.
රොහාණි කාලෙකට පස්සේ නැවැත ‘මායා මන්ත්රී’ හරහා ප්රේක්ෂක ආදරය දිනාගන්නවා නේද?
ඔව්… කාලෙකට පස්සේ මම සම්බන්ධ වුණු නිර්මාණයක් විකාශය වෙනවා. ඒ වගේම තමයි ‘මායා මන්ත්රි’ ටෙලිනාට්යයේ තවත් විශේෂත්වයක් තමයි මේ නිර්මාණය කරලා අවුරුදු හයක් විතර වෙනවා. ඉතින් එහෙම කරල තිබුණු නිර්මාණයක් දැන් හරි විකාශය වන එක ගැන සතුටුයි. මොකද මම සම්බන්ධ වුණු ප්රාසාංගික ටෙලිනාට්යයක් විකාශය වුණේ සෑහෙන කාලෙකින්.
ටෙලිනාට්යවල ඔබේ රංගන දායකත්වය අඩු බවක් අපට දැකගන්නට පුළුවන්?
එහෙම කියන්න විශේෂ හේතුවක් නැහැ. සමහරු හිතාගෙන ඉන්නේ මම දැන් රඟපෑමෙන් ඈත්වෙලා කියලා. එහෙම ඉවත් වෙලා නැහැ. කරපු නිර්මාණ විකාශය වීමේ ප්රමාදයක් තමයි තියෙන්නේ. අනෙක දැන් තිබෙන කොවිඞ් ප්රශ්නයත් එක්ක නිර්මාණ කරනවා අඩුයි. හැමෝම ආරක්ෂාකාරීව ඉන්න තමයි උත්සාහ කරන්නේ. ආරාධනාවක් ලැබුණොත් මම එහෙම සම්බන්ධ නොවී ඉන්නෙත් නැහැ.
සුදුස්සාට සුදුසු දේත් අහිමිවෙලා යන කාලවකවානුවක් නේද තිබෙන්නේ?
කොතැනද හරි දේ හරියට කෙරුණේ. තව කෙනෙක් කපාගෙන තැන ගන්න තමයි තව කෙනෙක් උත්සාහ කරන්නේ. ඒ වගේ තමයි අපිට ගැළපෙන චරිත නිර්මාණවල තිබෙනවා. ඉතින් ඒ චරිත එක්කෙනාම කරනවා අපි දකිනවා නිර්මාණවල. ඉතින් එහෙම වුණාම අපිට රඟපාන්න චරිත හිඟවීමක් තිබෙනවා. කතා කළොත් ගිහින් රඟපානවා. නැතුව එහෙම වැඳගෙන, චරිත ඉල්ලගෙන යන්න මට කිසිම ආශාවක් නැහැ. මගේ නිර්මාණයක් නම් මම කැමැති චරිතයක් අරගෙන රඟපානවා.
හිතේ පුංචි කලකිරීමක් ඇති නේද මෙහෙම වෙනකොට?
එහෙම කිසිම වේදනාවක් නැහැ. නමුත් කලාවට මමත් ලොකු සේවයක් කළා. එයින් වුණේ අවසානයේ කරපු දෙයකුත් නැහැ. වැය කරපු සල්ලිත් නැහැ. එහෙම හිතන කොට වේදනාවක් එනවා.
ඒ ඔබ නිර්මාණය කළ නිර්මාණය අස්ථානගත වීම නිසාද?
ඔව්… මම ටෙලිනාට්ය කිහිපයක් නිෂ්පාදනය කළා. සමහරක් විකාශය කරගැනීමට නොහැකි වුණා. මම නිෂ්පාදකවරියක් ලෙසට වෘත්තීය මට්ටමින් මේ ක්ෂේත්රයට යමක් කරන්නට උත්සාහ කළා. ඒත් අවසානයේ වුණේ නොහිතපු දෙයක්. මේ වන විට ඒ කිසිම නිර්මාණයක් හොයා ගන්නට නැහැ. නිර්මාණ විකාශය කරලා දෙන්නම් කියලා බාරගත්තු අයත් අද ජීවතුන් අතර නැහැ. එයාලගේ පවුලේ අයගෙන් ඒ ගැන අහන්න ගියාම ඒ කවුරුත් ඒ කිසිවක් ගැන දන්නේ නැතිලු.
ඔබේ නිර්මාණ මංකොල්ල කෑමක් වුණා කියලද කියන්නේ?
ඒ නිර්මාණවලට වුණු දේ මොනවාද කියන්න මම දන්නේ නැහැ. මම නිෂ්පාදකවරියක් වීමට උත්සාහ කළේ නිෂ්පාදන පැත්ත නොදන්නා කාලවකවානුවකයි. හැබැයි ඒ නිර්මාණ දැන් මම ළඟ තිබුණා නම් විකාශය කරගන්න ඕනෑ වැඩපිළිවෙළ ගැන මම දන්නවා. ඒ නිර්මාණ වෙන කෙනෙකුගේ නිර්මාණයක් විදියට විකුණන්න බැහැ. එහෙම වුණොත් මම නීතිමය පියවර ගන්නවා. දැන් මට තේරෙනවා ඒ මුදල්වලින් වෙන ව්යාපාරයක් මම කළා නම් අද මම ලාබ ලබනවා.
සාරි ඇඳගෙන නිදාගන්න ගිහින් වචන අහපු කාලයකුත් තිබුණා නේද?
ඔබ ඔය අහන්නේ ‘කිදුරංගනා’ ටෙලිනාට්ය ගැන වෙන්න ඇති. ඔව්… ඉතින් ඒ කාලේ විවිධ කතා අහන්න සිද්ධ වුණා. හැබැයි අපේ නිර්මාණකරුවන්ගේ නිර්මාණ ගැන කිසිම වටිනාකමක් ප්රේක්ෂකයන්ට දැනුණේ නැහැ. නමුත් එහෙම කියපු අපේ ප්රේක්ෂකයින් අද පැල්බැඳගෙන හඬ කැවීම් කරන විදේශීය ටෙලිනාට්ය නරඹනවා. ඉතින් මම විශේෂ ස්තුතිය පුදකරනවා ඒ නාලිකාවට. මාව ඒ චරිතයන්ට තෝරා ගැනීම නිසා.
පසුගිය කාලේ අපට දැකගන්නට ලැබුණා අන්තර්ජාලයේ ඔබව විවේචනය කර තිබුණා?
කවුරු මොනවා කිව්වත්, මට වැඩක් නැහැ. මිනිසුන් විවිධාකාරයි. උගත් වගේම, නූගත් මිනිසුන් නිර්මාණ රසවිඳින විදිය තමයි ඔය. මට හෙණ ගහපන් කියලා බැනලා තිබුණා. ඒ මෑත කාලයේ මම රඟපාපු ටෙලි චිත්රපටයක කුඩම්මාගේ චරිතයකට. ඇයි මිනිසුන්ට තේරුම් ගන්න බැරි රඟපෑමක් කියලා. ඔය දේවල් අහලා හොඳට පුරුදුයි. මම මගේ පාඩුවේ වැඩ කරගෙන ඉන්නවා. ඔය දේවල්වලට මම වගඋත්තර බඳින්න යන්නේ නැහැ.
එක්තරා කාලයක ඔබ සම්භාව්ය සිනමා නිර්මාණවලට දායකත්වය පැවැසුවා. මෑත කාලයේ එහි වෙනසක් දැක්කා?
මම සිනමාවේ විවිධ චරිත රඟපාලා තියෙනවා. මම රංගන ශිල්පිනියක් නිසා මට එහෙම වර්ගීකරණයක් කරන්න බැහැ. අවසානයට රඟපෑවේ ‘ෆේස් ටු ෆේස්’ චිත්රපටයේ. සම්භාව්ය සිනමාව කියලා එක්තරා කාලෙක රැල්ලක් තිබුණා. එහෙම කළේ සිනමා ශාලාවක ඉඳලා විඳින්න පුළුවන් රසයත් තිබුණු නිසා. නමුත් දැන් ඔය කියන සම්භාව්ය රසය ගෙදර ඉන්න කුඩා දරුවාටත් නරඹන්න පුළුවන් තත්ත්වයක් උදාවෙලා. තාක්ෂණය දියුණු නිසා ඕනෑම දෙයක් අන්තර්ජාලය හරහා නරඹනවා.
වසන්ත විතාරණගේ
