ටැප්සිට Film Fair එකේ වැදුණු විසිල් පාර

‘ටැප්සි පන්නු’ (Tapsy Pannu) 2021 ‘(Film Fair)’ සම්මාන වේදිකාව වර්ණවත් කරයි.., අප්‍රේල් මස එකොළොස් වැනිදාවේ ඉන්දියානු සිනමා පුවත්පත් සහ සඟරා පුරා සිරස්තලය වූයේ එම පුවතය. එම විශේෂය මොකක්ද..? ටැප්සි සම්මාන ගත්ත පළමු වතාව ඒක නෙවෙයිනේ. ඔව්… ටැප්සි පන්නු මීට පළමුවද ෆිල්ම් ෆෙයාර් සම්මාන කිහිපයකටම උරුමකම් කී ප්‍රවීණ, අති දක්‍ෂ නිළියකි. තෙළිඟු සිනමාව පුරා ටැප්සි මැවූ රංගන පෞරුෂයන් සුළුකොට තකන්නට නොහැකිය. එහෙම නම් ඉහත කී පුවතෙහි හරය කුමක්ද? හරය කෙසේ වුවද ඒ පුවතෙහි අන්තර්ගතය කදිමය. සම්මානයකට බඳුන් වූ අති දක්‍ෂ, ජනප්‍රිය නිළි තාරකාවක් නොකළ හෝ නොකරතැයි සිතිය හැකි හරිම අපූරු ක්‍රියාවක් ටැප්සි සම්මානය දෝතින් ගත් පසුව වේදිකාව මත ඉටු කළාය. සම්මාන උළෙලට සහභාගීව සිටි ජනප්‍රිය තරු රැසකගේම සිත්ගත් ඒ අපූරු ක්‍රියාවට විසිල් පාර කිහිපයක් සමග කන් බිහිරි කරවන තරමේ අත්පොළොසන් නාදයක්ද හිමිවිය. මොනවද ටැප්සි කළේ… සම්මානය අතින් ගෙන සුදුවතින් සැරැසී ගත් ඈ… වේදිකාව තුළ අලංකාර රංගනයක් ඉදිරිපත් කළද? රංගනයකට වඩා ටැප්සි තුළ සොඳුරු කතාව අති ආකර්ෂණීය විය.

සාමාන්‍යයක් ලෙස ගත්කල… සම්මානයක් පිරිනැමුණු විට බොහෝ රංගවේදීන් ස්තුති කතාවක් දෙන්නේ.., අදාළ නිර්මාණය වෙනුවෙන් තමාව තෝරාගත් අධ්‍යක්‍ෂවරයාට හෝ තමා සමග රංගනයට එක්වූ සහාය නළුවාටය.

ටැප්සි කළ ස්තුති කතාවට සම්බන්ධව සිටියේ හොඳම නිළි සම්මානය වෙනුවෙන් තරගයට බැස සිටි අනෙකුත් නිළි තාරකාවනටය.

පළමුවෙන් ඇගේ ස්තුතියට බඳුන් වූයේ දීපිකා පදුකෝන්ය. ඒ චපාක් වෙනුවෙන්ය. දෙවනුව විiාට ශකුන්තලා වෙනුවෙන් වාගේම කන්ගනා රනවුට් වෙත පන්ගා වෙනුවෙන්ද ටැප්සි ගෞරවනීය ප්‍රතිචාරයක් දුන්නාය.

ඊයේ පෙරෙයිදාවක තරුවක් ලෙස පායා ආ ශ්‍රී දේවිගේ වැඩමහල් දියණිය වූ ජාන්වී කපූර් ද එම ප්‍රතිචාරය අතර සිටියේ ‘ගුන්ජන් සක්සේනා තුළිනි.

කිසිදුම නිළියක සම්මාන උළෙලකදී සම්මානයක් අතැතිව සිටියදී නොකරන මේ අපූර්වතම ක්‍රියාව ටැප්සි කළේ ඇයි… ‘තමා හරි හොඳ බව කියන්නට ලකුණක් දාගත්තද..?’
නැහැ… එයට හේතු වූයේ මෙවර ෆිල්ම් ෆෙයාර් උළෙලට තරග කළ ‘හොඳම නිළිය තේරීමේ චිත්‍රපට අතර ‘ස්ත්‍රී මූලික නිර්මාණ හතරක් පෙළගැසීමය. එම පෙළ ගැසීමෙහි රංගනය සඳහා එක්ව සිටි, ටැප්සි තරමටම විiා බාලන්, කන්ගනා රනාවුන්, දීපිකා පදුකෝන් සහ ජාන්වී කපූර් ද අති දක්‍ෂව සිය කර්තව්‍ය ඉටුකර තිබිණ.

සම්මානය කාට පිරිනමන්නේද? යන තිගැස්ම තුළ ජූරියේ කවුරුත් වාගේ දීපිකා, විiා, කන්ගනා සහ ටැප්සි අතර අතරමංව සිටියහ. ටැප්සිට ලකුණු වැඩිවුණු හේතුව,

සැබැවින්ම ‘තප්පඩ්’ හී අම්රිතාගේ චරිතය ටැප්සි රඟදැක්වූ ආකාරය නිතැතින්ම අති ප්‍රශස්තව තිබිණ. එහි ඉතා සියුම්ව ඈ විදහා පෑ අවස්ථා ඉහත සඳහන් කළ සෑම නිළියකගේම රංගනයට වඩා කාගෙත් සිතට කාවැදී තිබිණ.

මෙම සංසිද්ධියෙහි තවත් එක් විශේෂයක් වන්නේ, කංගනා… ඒ මොහොතේම ටැප්සි පන්නුට සුබපැතුම් සමග සිය කෘතගුණ දැක්වීමය.

බාල්දි කොක්කයැයි කවුරුත් හැඳින්වූවාට කංගනා එක අතකට හොඳයි නේද..?
ඔව්… කන්ගනා ටැප්සිට හැරෙන තැපෑලෙන් සුබපැතීම හොඳ ගුණයක්.
හැබැයි ඉතින්..,

ඕනෑවට වඩා උඩ පනින්න හැදුවට ටැප්සි පන්නු කියන්නේ ‘බී ග්‍රේඩ්’ නිළියක් යැයි කියා ටැප්සිට සියුම් අතුල් පහරක් පසුගිය දවසක එල්ල කොට තිබුණේද කංගනාමය.
කොහොමත් ටැප්සි පන්නු අපූරු කෙල්ලක්.., එහෙම නේද?

ඔව්… බොහෝ විට එය නිවැරැදිය. කල්ලි වාදයෙන් අනූන කලා ලෝකයට ටැප්සි පන්නු දුන් ආදර්ශය ඉතා සොඳුරුය.
දමයන්ති රේණුකා ප්‍රනාන්දු