ටයිගර්ට රැස් පෙන්වන පටානිගේ ෂෝ එක

ජැකී ශෙරොෆ් කියන්නේ ‘හීරෝ’ චිත්‍රපටය හරහා එක් රැයකින් තරුවක වූ නළුවෙකි.
‘හීරෝ’හි අසීමිත ජනප්‍රියත්වයත් සමඟ ජැකී ශෙරොෆ් හමුවේ උතුරු ඉන්දීය චිත්‍රපට නිෂ්පාදකයන් සහ අධ්‍යක්‍ෂවරුන් පෝලිමට හිටගත්තේ ඔහුගෙන් දින ගණන් වෙන්කර ගැනීමට අවැසි උමතුව මත කුළල් කා ගනිමිනි.
එහෙත්…,
‘හීරෝ’ චිත්‍රපටය හරහා ඔහු තැබූ ‘බොක්ස්ඔෆීස්’ වාර්තාව අනෙක් කිසිදුම චිත්‍රපටයක් හරහා තැබීමට ජැකී ශෙරොෆ්ට නොහැකි විය. කෙටියෙන් පහසු වචන භාවිත කොට කියනවා නම් ‘ජැකී ශෙරොෆ්ගේ’ නීරෝගී සුපිරි තත්ත්වය ‘ෂැම්පේන් බෝතලයක මූඩිය ගැලෙව්වා වැනි ක්‍රමවේදයකට’ සමාන විය. තවත් ක්‍රමයකට කියනවා නම් ජැකී ශෙරොෆ්ගේ ක්‍ෂණික ජනප්‍රියත්වය ‘හීරෝ’ චිත්‍රපටයට පමණක්ම සීමා විය. ඒ සීමාව හරහා චිත්‍රපට අධ්‍යක්‍ෂවරු සහ නිෂ්පාදකවරු නොසිතූ ලෙස අතරමං වී සිටියහ.
ජැකී ශෙරොෆ් පසුපෙළ තරුවක් වූයේ එයට පසුවය.
ජැකීගේ පුතු ලෙස උතුරු ඉන්දීය සිනමාවට පය තැබූ ටයිගර් ශෙරොෆ්ගේ තරු ඉරණම නම් තාත්තාට වඩා වෙනස් විය. 2014 අවුරුද්දේ ‘්‍යැරදච්බඑස’ චිත්‍රපටය හරහා පැමිණ ටයිගර් ශෙරොෆ්ගේ මනා කඩවැස්මට ඉන්දීය යුවතියකට ප්‍රමාණය ඉක්මවා පිස්සු හැදෙන්නට විය.
මගතොට එළිබැස යන්නට බැරි වන තරමට කෙල්ලන්ගේ ඒ පිස්සුව තද විය. කෙල්ලන්ගේ විතරක් නොව තරුණ කොල්ලන්ගේද ජනප්‍රියත්වය ටයිගර් ශෙරොෆ්ට හිමිවිය. ටයිගර්ගේ බොඩි ෂේප් එකට අනුව ‘සික්ස් පැක්’ ඇඟක් හදා ගන්න තරුණයන් දතකන්නට වූහ. එපමණකුත් නොව… ටයිගර් විදියට අඳින්න, කෙස්ස මුඩුකර කපන්නට කොල්ලන්ට තිබුණේ අමුතු පිස්සුවකි. ‘උ්ර’ චිත්‍රපටයෙන් පසුව කොල්ලන්ගේ ඒ පිස්සුව වඩාත් තදවන්නට විය. කෙල්ලන්ට එය ඊටත් එහා විය.
සුපිරි පන්තියේ හැඩකාර කෙල්ලන් ටයිගර් සමඟ ‘රාත්‍රි කෑමක්’ සඳහා තමාට අවස්ථාවක් රැගෙන දෙන්නැයි සිය කෙරුම්කාර තාත්තලා හමුවේ හඬා වැටෙන්නට වූ අතර… ටයිගර් ශෙරොෆ්ව පණපිටින්ම දැකගත හැකි උත්සවයන් සඳහා සහභාගි වීමේ වරම තමන්ට ලබා දෙන්නැයි කියාද තාත්තලාට කරදර කරන්නට වූහ.
ආඩම්බරකාරයකු වූ බොහෝ විට සිනාවට බර නැති ටයිගර් ශෙරොෆ්ට නම් ඒ කිසිවක් වගක් නොවීය. මඟතොටක යන එන විටක තමා දෙස බලා..,
‘වාව්… එයා මාරයි,’
කියා තමාට හූල්ලා වැටෙන දඟලන සොඳුරු කෙලි පැටික්කියන්ට ‘හුළං හාදුවක්’ දෙන්නට තරම්වත් ‘ටයිගර් ශෙරොෆ්ට වුවමනා වූයේ නැත.
ඒ කියන්නෙ ටයිගර් ශෙරොෆ්ට කෙල්ලන් අරහන්ද..?
එහෙම එකක්ද නැත..,
හැබැයි… ටයිගර් වඩා ප්‍රිය කරන්නේ, තමා පසු පස එන කෙල්ලන්ට වඩා තමා හමුවේ තමාව ගණන් නොගෙන ඉන්නා කෙල්ලන්ටය.
දිශා පටානිද එහෙම කෙල්ලකි.
හොඳ පවුල් පෙළපතකින් පැමිණෙන ‘දිශා පටානි’ ජනප්‍රිය තරු රෑනට කුරුමානම් අල්ලන අලංකාර තරුණ නිළියකි.
දිශා ටයිගර්ට අහංකාරකම් පෙන්වුවාද?
බොහෝ විට සිදුවූයේ එවැන්නකි.
කතාව කෙටියෙන් මෙහෙමය..,
තොරතුරු අනුව නම්, ටයිගර් ශෙරොෆ් රඟපාන චිත්‍රපට සඳහා තරු නිළියව තෝරන්නේද ඔහුගේම මනාපය අනුවය.
ඉතින්…,
දිශා පටානි නම් අලුත් යොවුන් නිළියව ටයිගර් විසින් චිත්‍රපටයක් සඳහා නම්කර තිබිණි.
‘දන්නවද දිශා.., ටයිගර් ඔයාව ඉල්ලලා තියෙනවා අහවල් චිත්‍රපටයට… මේක නම් ඔයාට හරි අපූරු චාන්ස් එකක්…’
මුහුරත් උළෙලකදී ටයිගර්ව පෙන්වමින් එම චිත්‍රපටයේ සහාය නිෂ්පාදක දිශාට කියා තිබුණේ නව වැනි පුදුමය දුටුවාසේ නළල රැළිකර, ඇස් ලොකු කරවමිනි.
‘අයියෝ… ටයිගර්ව ඔයාලට එච්චරට ලොකුයිද..? මට නම් එහෙම හැඟීමක් නැහැ අංකල් ජැකීලා අපේ පවුලේ යහළුවෝ… සමහරදාට ටයිගර් එයා එක්ක අපේ ගෙදර එනකොට මම අංකල් ජැකීව ‘හායි’ කියලා කාමරේට ගිහින් මගේ වැඩක් කරගන්නවා.’
දිශා ඇඟටපතට නොදැනී එහෙම කියන කොට ටයිගර් හිටියේ ඈ පසුපසමය. ඇගේ කතාවට ඉහත කී චිත්‍රපටකාරයා තක්කු, මුක්කු වෙන කොට ටයිගර්ට හිනා ගියේය.
‘ඇත්තටම දිශා එහෙම කරනවා තමා. මම ඒකට කැමැති නිසා තමයි එයාව මගේ අලුත් චිත්‍රපටයට යෝජනා කළේ.
ටයිගර් අනතුරුව එතැනට පැමිණ එසේ කීයේ දිශා වෙනුවෙන් ගෙන ආ බීම වීදුරුවද ඈ අත තබමින්ය.
ඒ රසවත් සිදුවීම එතැනින් අවසන් වුවද දිශා සහ ටයිගර්ගේ බැඳීමට ආරම්භය තැනුණේ එතැනිනි.
එතැන් පටන් දිශා පටානි සහ ටයිගර් ශෙරොෆ් සිනමා පැපරාසින්ගේ කැමරා ඇසට විවිධ කෝණ ඔස්සේ හසු වන්නට විය. චිත්‍රපට රඟපෑමට, පොදු උත්සව අවස්ථාවනට සහභාගි වීම හැරුණු කොට ඔවුන් නිතර පෞද්ගලික හමුවීම් සඳහා අවස්ථාවන් උදාකර ගෙන තිබිණි. ඒ ඒ අවස්ථාවන් අතරමඟ නතර වූයේ කොරෝනා අගුළු දැමීමත් සමඟය.
ඊයේ පෙරෙයිදා දවසක කොරෝනා අගුළු ලිහිල්ව තිබූ පසුබිමක දිශා පටානි සහ ටයිගර් ශෙරොෆ් ඉන්දියානු ගුවන් තොටුපොළේදී ඉතා සමීපව ගමන් කරමින් සිටින ආකාරය ‘ඉන්දියන් ටුඬේ’ පුවත්පෙතහි කැමරාවට හසුව තිබිණි.
ආඩම්බරකාර ටයිගර් සැහැල්ලුව එයට මුහුණ දුන්නද දිශා මදක් චකිතයෙන් වාගේ සිටියාය. ආරංචියකට අනුව නම් ‘ඉන්දියන් ටුඬේ’ පත්තරයට කතාකර දිශා පටානි කියා තිබුණේ, තමා සහ ටයිගර්ගේ පමණට වඩා සමීප රූප පළ නොකරන ලෙසය.
‘දිශා පටානි එහෙම කීයේ ඇයි..?’
‘ඒ මංගල්ලයත් ඉවර නිසාද…?’
ඉවර වෙන්නට මංගල්ලයක් තියෙන්නටත් එපැයි කියාද මෙහිදී සඳහන් නොකර බැරිය.
ඒ ඇයිද කියා කියන්නේ නම්…
දෙන්නා අතර තියෙන මංගල්ලය කුමක් දැයි කියා දෙන්නා තවම හරියකට කියා නැත.
එහි අර්ථය, දෙන්නට දෙන්නාම රහසේ උගුරට හොරා බෙහෙත් කෑමද?
‘එය නම් කියන්නට දන්නේ නැත…’
හැබැයි… පසුගිය දිනෙක ඩුබායිහී ආරම්භ වූ ‘මැටි්‍රක්ස් ෆයිට් නයිට්’ හවුල් ව්‍යාපාරය සඳහා ශෙරොෆ් පවුල සහභාගි වී තිබුණේ පටානි පවුලත් සමඟය.
ක්‍රිෂ්ණා සමාගම සමඟ ටයිගර් ශෙරොෆ්, සමාගමක් ඇතිකර ගන්නා එම ව්‍යාපාරය සඳහා පැවැති විවෘත කිරීමේ උත්සවයට ටයිගර් සමඟ පහන දල්වා තිබුණේ දිශා පටානිය.
දමයන්ති රේණුකා ප්‍රනාන්දු