මහනුවර සරත් සමරනායක
-ඇසල පෙරහැරේ ඊයේ රාත්රියේ පැවැති දෙවන කුඹල් පෙරහර ගමන් කරන අතර තුර සිදු වූ අලි කලබලයට හේතුව මහනුවර ශ්රී කතරගම දේවාලයේ දෑලේ ගමන් ගත් අලි තිදෙනාගෙන් එකෙකුට කොප්පරා ගිනි අගුරු කැබැල්ලක් (ගිණි හුළක්) පෑගීම බව මේ වන විට තහවුරු කර ගෙන ඇත.Sri Lanka Latest News
ගිණි හුල පෑගුණ ඇතා කලබල වී දිව යාමත් සමගම අනෙකුත් අලි ඇතුන් ද කලබලයට පත් වී තිබේ.
ඇත් ගොව්වන්ගේ හා පෙරහර සංවිධායකවරුන් ගේ දැඩි කැප වීම මත තත්වය සුළු වේලාවකින් පාලනය කිරීමට සමත් වී තිබේ.
ඉදිරි දින වල පෙරහැර ගමන් කරන අතර තුර අලි ඇතුන් හට මෙවැනි අකරතැබ්බ නොවීමට වගබලා ගන්නා ලෙස දියවඩන නිළමේ නිලංග දෑල මහතා ඇත් ගොව්වන්ට කොප්පරා පන්දම් රැගෙන යන්නන්ට හා ඒවාහි අගුරු ඉවත් කරන්නන් හට උපදෙස් මාලාවක් යළිත් ලබා දීමට කටයුතු කර ඇත . මෙම අවස්ථාවට පශු වෛද්ය වරුන් පිරිසක් ද සහභාගී වේ.
අද පෙරවරුවේ ශ්රී දළදා මාළිගාවේ ඇත් ගාලේදී සියලු ඇත් ගොව්වන් (අලි බාසුන්නැහෙලා) කැදවා මෙම උපදෙස් ලබා දීමට නියමිත බව පෙරහර සංවිධායක මණ්ඩලයේ නිළධාරියෙකු පැවැසීය.
