වසර මිලියන 180ක් පුරා පෘථිවිය යෝධයන්ගේ පාලනය යටතේ ජීවයෙන් පිරී ගියේය. ඇටකටු පොඩි කරන Tyrannosaurs Rexගේ සිට රූස්ස ගස් පවා කාදමන Brachiosaurus දක්වා දැවැන්තයන් මෙම පාලනයේ මුල්පුටු හෙබවීය. ඔවුන්ගේ ගිගුරුම් සහිත ගර්ජනා, පොළොව කම්පාකරවන පියවර මුළු ලෝකය පුරා රැව් පිළිරැව් දුන්නේය. නමුත් මේ සියල්ල ඉතා ඉක්මනින් අවසන් වන බව ඔවුන්වත් දැන නොසිටියේ එවැනි අවාසනාවක සේයාවක්වත් පෙනෙන්නට නොතිබුණු නිසාවෙනි.Sri Lanka Latest News
මීට වසර මිලියන 66කට පෙර දෛවෝපගත දිනයක මෙම මනරම් පැවැත්ම ගිනිමය අවසානයකට පැමිණියේය. එය ලෝක විනාශයේ පෙරනිමිත්ත වූ chicxulub ග්රාහකය පැමිණීමෙන් සලකුණු විය.
මෙය අප එදිනෙදා දකින සාමාන්ය උල්කාපාතයක් නොවීය. රාත්රී අහස හරහා ගමන් කරන මනරම් ආලෝක ධාරාවක්ද නොවීය. Chicxulub impacter යනු විෂ්කම්භයෙන් කිලෝමීටර 10 සිට 15ක් දක්වා (සැතපුම් 6 සිට 9ක් දක්වා) පමණ වන බවට ඇස්තමේන්තු කර ඇති බිහිසුණු අභ්යවකාශ පාෂාණයකි. තත්පරයට කිලෝමීටර 12ක (පැයට සැතපුම් 27,000) අධික වේගයකින් පෘථිවිය දෙසට පැමිණි එය පරමාණු බෝම්බ බිලියන ගණනක චාලක ශක්තියක් රැගෙන ආවේය. මෙක්සිකෝවේ යුකැටන් අර්ධද්වීපයේ වෙරළට ඔබ්බෙන් වූ එහි බලපෑම හුදෙක් කඩාවැටීමක් නොවීය. එය විශ්වීය පිපිරීමක් විය.
ලෝකය සිතාගත නොහැකි භීතියකින් වෙළී ගියේය. මෙම බලපෑම හිරෝෂිමා පරමාණු බෝම්බය මෙන් ටි්රලියන 100 ගුණයකට සමාන බලපෑමක් මුදාහැරීය. පෘථිවිය කිලෝමීටර දහස් ගණනක් යටට කඩාවැටුණු අතර පාෂාණ වාෂ්ප කර, උණු කළ සුන්බුන් සැතපුම් ගණනක් වායුගෝලයට වීසි කළේය. සිතාගත නොහැකි තරම් විශාල භූමිකම්පා මුළු මහද්වීපයම සොලවා ගිනිකඳු පිපිරීම් හා වෙරළ තීරයන් ගිලදැමූ සුනාමිය අවුළුවාලීමට හේතු විය.
නමුත් විනාශයේ ක්ෂණික බලපෑම කලාපයට පමණක් සීමා නොවීය. Chicxulub ග්රාහකය විසින් පෘථිවි පෘෂ්ඨයේ ඇති වායූන් ඉරාදැමූ අතර, එය පාරිසරික තිරයේ දාම ප්රතික්රියාවක් ඇති කළේය. ටොන් මිලියන ගණනක් බර උණුසුම් වූ පාෂාණ වාතයට විසිකරන ලද අතර, ලොව පුරා පැතිර ගිය ලැව් ගිනි අවුළුවා ඇත. වනාන්තර ගිනිබත් විය. භූ දර්ශන ගිනිබත් විය. ඝන දුමාරයකින් අහස යටපත් විය. මෙම දැවැන්ත දූවිලි වලාකුළ ග්රහලෝකය හදිසි, දිගු සන්ධ්යාවකට ඇද දැමූ අතර, ජීවය ලබාදෙන සූර්යයා මුළුමනින් අවහිර කළේය.
ජීවිතය සඳහා ප්රතිවිපාක ව්යසනකාරී විය. ආහාර දාමවල අත්තිවාරම වූ ප්රභාසංස්ලේෂණය ඇනහිටිණි. දිගුකාලීන න්යෂ්ටික ශීත ඍතුවකට ලෝකය ඇද දමමින් උෂ්ණත්වය ශීඝ්රයෙන් පහළ වැටුණි. ශාක හා සතුන් සාගින්නෙන් හා දුමාරයේ දූවිලිවලට ගොදුරු වීමෙන් භෞමික හා සාගර පරිසර පද්ධති බිඳවැටිණි. මෙම අඳුරු, සිසිල් නව ලෝකය තුළ ඩයිනෝසරයන්ගේ ඒ ප්රතාපවත් පාලනය අවසන් විය.
කුරුල්ලන් නොවන සියලු ඩයිනෝසරයන්ද ඇතුළුව පෘථිවියේ සියලු ජීවීන්ගෙන් 75%ක් වසර කීපයක් ඇතුළත විනාශ විය. නමුත් මෙපමණ විශාල සුන්බුන් මැද වුවද ඇතැම් ජීවීන්ගේ ජීවිතය නොනැසී පැවතිණි. කුඩා ක්ෂීරපායින්, කටුක ජීවිතයකට හොඳින් අනුවර්තනය වී පැලයෝසීන යුගයේ පැවැත්මේ පන්දම රැගෙන ගියේය.
Chicxulub සිද්ධිය විද්යාඥයන් හඳුන්වන පරිදි හුදෙක් මහා වඳවීමක් නොවේ. එය ග්රහලෝකය යළි පිහිටුවීමක් වූ අතර, අලුත් ජීවී ස්වරූපවල නැගීම සඳහා මග පාදමින්, අවසානයේ පෙර සිටි දැවැන්තයන්ගේ යළි මතුවීම අවසන් විය.
අද යුකැටන් අර්ධද්වීපයට යටින් ගැඹුරට වැළලී ඇති Chicxulub ආවාටය, අපේ පෘථිවි ග්රහලෝකය ප්රතිනිර්මාණය කළ ව්යසනකාරී සිදුවීම පිළිබඳ නිහඬ සාක්ෂියක් ලෙස ඉතිරි වී පවතී. 1970 වර්ෂයේදී එය සොයාගැනීම පෘථිවියේ ජීවයේ ඉතිහාසය අවබෝධ කරගැනීමේ තීරණාත්මක අවස්ථාවක් වූ අතර, මහා වඳවීමේ යාන්ත්රණයන් හා ජීවයේ කැපීපෙනෙන ඔරොත්තු දීමේ හැකියාව පිළිබඳ කැඩපතක් මූර්තිමත් කරයි.
මීළඟ අවස්ථාවේ ඔබ රාත්රී අහස දෙස බලන විට, පෘථිවියේ ජීවයේ ගමන් මග සදහටම වෙනස් කළ ආකාශ අමුත්තකු වන Chicxulub ග්රාහකය ගැන සිතන්න. අප අවට ජීවයේ විවිධත්වය අගය කිරීමට සහ අප නිවස ලෙස හඳුන්වන මෙම බිඳෙනසුලු ක්ෂේම භූමිය ආරක්ෂා කිරීමට එය මතක් කිරීමක් වේවි.
Danu Prasa
