කිලිනොච්චි දිස්ත්රික් සම්බන්ධීකරණ කමිටු රැස්වීමට සහභාගී වී සිටියදී ජාතික ජන බලවේගයේ (NPP) පාර්ලිමේන්තු මන්ත්රී ඉලංගුමරන් මහතා අත්අඩංගුවට ගෙන ඇත.Sri Lanka Latest News
කණ්ඩාවලෙයි ප්රාදේශීය ලේකම් කොට්ඨාසයට අයත් පරන්තන් හින්දු මහා විද්යාලයේ පිහිටුවා ඇති තාවකාලික සහන කඳවුරක රාජකාරියේ නිරතව සිටි ග්රාම නිලධාරවරයාට ප්රසිද්ධියේ පහරදීමේ සිද්ධියක් සම්බන්ධයෙන් මෙම අත්අඩංගුවට ගැනීම සිදු කර තිබේ.
ගංවතුර හේතුවෙන් අවතැන් වූ පිරිස් රැඳී සිටින පරන්තන් හින්දු මහා විද්යාලයට පිසූ ආහාර පාර්සල් රැගෙන පැමිණි මන්ත්රීවරයා ඒවා ජනතාවට බෙදා දීමට සූදානම් වී ඇත. කෙසේ වෙතත්, ප්රාදේශීය ලේකම්වරයාගේ සහ මහජන සෞඛ්ය පරීක්ෂකවරුන්ගේ උපදෙස් පරිදි, පිටතින් පිසූ ආහාර ගෙනවිත් බෙදා දීමෙන් වළකින ලෙසත්, එවැනි ආහාර බෙදා දෙන්නේ නම් ඒවා නිසි සෞඛ්ය ප්රමිතීන්ට අනුකූල බව තහවුරු කළ යුතු බවත් ග්රාම නිලධාරීවරයා එහිදී පවසා ඇත.
මෙම ප්රකාශය හේතුවෙන් කෝපයට පත් පාර්ලිමේන්තු මන්ත්රීවරයා තමාට පහර දුන් බව පවසමින් අදාළ ග්රාම නිලධාරීවරයා කිලිනොච්චි පොලිසියට පැමිණිල්ලක් ඉදිරිපත් කර තිබුණි. ඒ අනුව අත්අඩංගුවට ගත් පාර්ලිමේන්තු මන්ත්රී ඉලංගුමරන් මහතා අධිකරණයට ඉදිරිපත් කිරීමෙන් අනතුරුව ඇප මත මුදා හැර තිබේ.
