දේශීය ණය ප්රතිව්යුහගත කිරීම යනුවෙන් කියමින් ආණ්ඩුව සේවක අර්ථසාධක අරමුදලට අත තැබීමට සූදානම් වන බව දෙමළ ජාතික සන්ධානයේ පාර්ලිමේන්තු මන්ත්රී ශානක්යයන් රාසමාණික්කම් මහතා පැවසීය. Sri Lanka Latest News
ඊයේ කොළඹ හෝටලයක මේ සම්බන්ධයෙන් සාකච්ඡා කිරීම සදහා ජනාධිපතිවරයාගේ ප්රධානත්වයෙන් සාකච්ඡාවක් පැවැත්විණ.
දෙමළ ජාතික සන්ධානයේ පාර්ලිමේන්තු මන්ත්රී එම්. ඒ. සුමන්තිරන් මහතා විසින් එය සංවිධාන කොට තිබූ අතර මහබැංකු අධිපතිවරයාටත්, විපක්ෂයේ පාර්ලිමේන්තු මන්ත්රීවරුන්ටත් ඊට ආරාධනා කිරීමට සුමන්තිරන් මහතා පියවර ගෙන තිබිණ.
එහිදී මහබැංකු අධිපතිවරයා විසින් මන්ත්රීවරුන්ට දේශීය ණය ප්රතිව්යුහගත කිරීම සම්බන්ධයෙන් කරුණු පැහැදිලි කර තිබූ අතර රාසමාණික්කම් මහතා පැවසුවේ මෙහිදී ආණ්ඩුව සේවක අර්ථසාධක අරමුදලට අත තැබීමට සූදානම් වන බව පැහැදිලිව දැකගන්නට ලැබුණු බවකි.
ඒ අනුව සියලුම මන්ත්රීවරුන් ඊට එරෙහි විය යුතු බවද රාසමාණික්කම් මහතා පැවසීය.
