නිදහස් අධ්යාපන ප්රතිසංස්කරණවල මූලික පරමාර්ථය වූයේ භේදයකින් තොරව සියලුම ශ්රී ලාංකික පුරවැසියන්ට අධ්යාපනය ලැබීමේ අවස්ථාව ලබා දීම බවත් එය සැමට නිදහස් හා නොමිලේ අධ්යාපනයක් ලැබීම තහවුරු කිරීමත් සෑම පුද්ගලයකුටම ප්රමාණවත් තරම් අධ්යාපනයක් ලැබීමේ අවස්ථා ඇති බව තහවුරු කිරිම බවත් සී. ඩබ්ලිව් ඩබ්ලිව් කන්නන්ගර මහතාගේ නිදහස් අධ්යාපන සංකල්පය රැකගෙන ආරක්ෂා කළ යුතු බවත් අධ්යාපන අවස්ථා වැඩි කළ යුතු බවත් විපක්ෂ නායකවරයා පැවසීය.Sri Lanka Latest News
වත්මන් රජයේ ප්රතිපත්ති ප්රකාශයේ ද නිදහස් අධ්යාපනය සහ සමප්රවේශය මුලික මූලධර්මයක් ලෙස පිළිගන්නා බව සදහන් වුවත් ඊට පටහැනි වන ආකාරයෙන් කටයුතු කරන බවත් දක්නට ලැබෙන බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුවේ දී ස්ථාවර නියෝග 27 (2) යටතේ කොතලාවල වෛද්ය පීඨ ගැටලුව සහ අධ්යාපනවේදී උපාධි ගැටලුව සම්බන්ධයෙන් ප්රශ්න කරමිනි.
ජනරාල් ශ්රීමත් ජෝන් කොතලාවල ආරක්ෂක විශ්වවිද්යාලය ගොඩනැගීමට රජය වැය කර ඇති මුදලත් එම විශ්වවිද්යාලයේ වෛද්ය උපාධිය සම්පූර්ණ කර සිසුන් විසින් ගෙවිය යුතු පාඨමාලා ගාස්තුව හා ඒ එක් සිසුවකු වෙනුවෙන් රජය විසින් වැය කරන මුදල වෙන් වෙන් වශයෙන් ඉදිරිපත් කර ලෙසත් විපක්ෂ නායකවරයා මෙහිදී පැවසීය.
එසේම 2025 වසරේ සිට කැඩෙට් නොවන දේශීය වෛද්ය සිසුන් මෙම විශ්වවිද්යාලයට බදවා නොගැනීමට හේතු මෙන්ම එම වෛද්ය සිසුන් හට පුහුණුව ලබා දීමට විශේෂඥ වෛද්යවරුන්ගේ හිගයක් පවතින බවට පළවන වාර්තා සත්යද කියා දැන ගැනීමට අවශ්ය බවත් විදේශීය සිසුන් ඇතුළත් කර ගැනීමේ දී විශේෂඥ වෛද්යවරුන්ගේ හිගය බලනොපාන බවට රජයට ඇති සහතිකය කුමක්ද කියා දැන ගැනීමට අවශ්ය බවත් විපක්ෂ නායකවරයා වැඩිදුරටත් පැවසීය.
රටේ සිසුන්ගේ අධ්යාපන සිහින බොද වෙනවා
අප රටේ දේශීය සිසුන්ට මේ අවස්ථාව ලබා නොදීම තුළ අධ්යාපන සිහිනය බොදවන බවත් අධ්යාපන අවස්ථා පවා අහිමි වන බවත් මේ සිසුන් විදේශීය අධ්යාපනයට යොමුවීම හරහා රටේ ඩොලර් පවා අහිමි වන බවත් පැවසු විපක්ෂ නායකවරයා ජෝන් කොතලාවල ආරක්ෂක විශ්වවිද්යාලයට රජය මගින් ප්රතිපාදන වෙන් කර දී ඇති පසුබිමක කැඩෙට් නොවන දේශීය සිසුන් එම විශ්වවිද්යාලයට බදවා නොගැනීම නිසා අධ්යාපනය සදහා සිසුන්ට ඇති සම ප්රවේශය අහිමි නොවන්නේද කියා රජයෙන් ප්රශ්න කර සිටින බවයි.
අධ්යාපනවේදී උපාධි පාඨමාලාවල ගැටලු රැසක් තිබෙනවා
රජය හෝ රජයට අනුබද්ධිත නොව උසස් අධ්යාපන ආයතන හරහා ලබා දෙන අධ්යාපනවේදී උපාධි හෝ පාඨමාලා පාදක කර ගනිමින් මෙතෙක් ශ්රී ලංකා ගුරුසේවයට බදවා ගෙන ඇති ගුරුවරුන් ප්රමාණයත් බදවා ගත් විෂයනුත් ඉදිරිපත් කරන ලෙසත් නිශ්චිත ගුණාත්මකභාවයෙන් තොරව උපාධි පාඨමාලාවේ කාලය ප්රායෝගික පුහුණුවකින් තොරව ගුරුවරු බදවා ගැනීම නිසා සමාන්තර ගුරුවරුන්ට සහ ළමුන්ට ද අසාධාරණයක් සිදුවන බවත් උසස් අධ්යාපන ආයතන විසින් පිරිනමන අධ්යාපනවේදී උපාධි හෝ පාඨමාලාවල ගුණාමකභාවය සම්බන්ධයෙන් වන රජයේ තක්සේරුව දැන ගැනීමට අවශ්ය බවත් විපක්ෂ නායකවරයා මෙහි දී පැවසීය.
මෙය අධ්යාපනයට ඇති සම ප්රවේශීය අයිතිය උල්ලංඝනය කිරීමක්
ජනරාල් ශ්රීමත් ජෝන් කොතලාවල ආරක්ෂක විශ්වවිද්යාලයට සාමාන්ය සිසුන්ට ඇතුළත් වීමට ඇති අවස්ථා අහිමි කිරිමත් රාජ්ය නොවන උසස් අධ්යාපන ආයතන හරහා අධ්යාපනවේදී උපාධි හෝ පාඨමාලා හැදැරීමට සිසුන් දිරිමත් කිරිම නිසා වත්මන් රජයේ නිදහස් අධ්යාපනයට හා සම ප්රවේශයට ඇති අයිතිය යන මූලික මූලධර්මය උල්ලංඝනය වන බවත් මෙය ජාතික වශයෙන් වැදගත් ගැටලුවක් බවත් රජය ගෙන ඇති මෙම වැරදි තීන්දුව නිවැරදි කර ගත යුතු බවත් විපක්ෂ නායක සජිත් ප්රේමදාස මහතා පැවසීය.
