නිල්වලා ගඟ මත දීර්ඝ කාලයක් තිස්සේ පවත්වාගෙන යන අනවසර අවන්හල දින14ක් ඇතුලත වහාම ඉවත් කරගන්නා ලෙස 2025.06.16 දින මාතර ප්රදේශිය වාරිමාර්ග ඉංජිනේරු ඩී.එම්.යූ ධර්මපාල මහතා විසින් මාතර සමූපකාර රෝහලේ සභාපතිවරයාට නියෝග කර තිබෙනවා.Sri Lanka Latest News
වාරිමාර්ග ආඥා පනතේ 65(1), 65(2) හා 66 වගන්ති ප්රකාරව අනවසර ඉදිකිරීමක් හෝ අල්ලා ගැනීමක් හෝ වාරිමාර්ග රක්ෂිතයට කරන හානියක් වැළැක්වීම යන වගන්තිය යටතේයි මෙසේ නියෝග කර ඇත්තේ.
එම නියෝගයේ තවදුරටත් දන්වන්නේ 2021.08.11 දින DIE/MATA/DO/Resvevetion -1004/2021 ලිපි ශීර්ෂය යටතේ මෙම අනවසර ඉදිකිරීම අයින්කර ගන්නා ලෙස දැනුම් දීම තිබුණත් වසර හතරකට අධික කාලයක් තිස්සේ අනවසරයෙන් පවත්වාගෙන යන බවයි.
රජය යටතේ පාලනය කරනු ලබන ස්වභාවික ගංගාවකට අනවසරයෙන් ඇතුල්වී මෙවැනි අනවසර ඉදිකිරීමක් සිදුකිරීම බරපතල වරදක් බවද දන්නවා ඇති අතර දින 14ක් ඇතුළත මෙම ඉදිකිරීම ඉවත්කර නොගතහොත් 65(2) වගන්තියෙන් ප්රාදේශීය වාරිමාර්ග ඉංජිනේරුවන්ට ඇති බලතල ප්රකාරවෙම ඉදිකිරීම ඉවත් කිරීමට කටයුතු කරන අතරින් සඳහා වැයවන රජයේ මුදල් වාරිමාර්ග ආඥා පනතේ 66 වන වගන්තිය ප්රකාරව අයිතිකර ගැනීමට අවශ්ය නීතිමය පියවර ගන්නා බවද වැඩිදුරටත් දන්වා තිබෙනවා.
