ශ්රී ලංකා නිදහස් පක්ෂයේ සියලු සාමාජිකයින් සතිඅන්තයේ දී කොළඹට කැඳවීමට පක්ෂ සභාපති හිටපු ජනාධිපති මෛත්රීපාල සිරිසේන මහතා පියවර ගෙන තිබේ.Sri Lanka Latest News
ඉතා වැදගත් තීන්දු තීරණ කිහිපයක් ගැනීම සඳහා ශ්රී ලංකා නිදහස් පක්ෂ මධ්යම කාරක සභිකයින්, විධායක කාරක සභිකයින්, ආසන සහ දිස්ත්රික් සංවිධායකවරුන්, පක්ෂයේ අනුබද්ධ සංවිධානවල සියලු නිලධාරීන් මෙලෙස පක්ෂ මුලස්ථානය වෙත කැඳවා ඇති බව සඳහන්ය.
මෙම රැස්වීමට පැමිණීම අනිවාර්ය බවට ද සියලු සාමාජිකයින් වෙත ලිඛිතව දන්වා ඇති බව වාර්තා වේ.
ශ්රී ලංකා නිදහස් පක්ෂය ප්රමුඛ නව සන්ධානයක් ඉදිරියේ දී බිහිවීමට නියමිත අතර එහි කටයුතු ද අවසන් අදියරට පැමිණ ඇති බව දේශපාලන ආරංචි මාර්ග සඳහන් කළේය.