මාලිමා ආණ්ඩුවේ පළමු කැබිනට් සංශෝධනයෙන් පසු අමාත්ය බිමල් රත්නායක මහතා සොයාගැනීමට කිසියකුටත් නොහැකි විය.Sri Lanka Latest News
අමාත්යවරයා නව අමාත්යංශයක වැඩ බාරගත්තද එහි රාජකාරී කටයුතු සදහා වාර්තා කළ ආකාරයක් හෝ දැකගන්නට නොලැබිණ.
බිමල් රත්නායක මහතාගේ ෆේස්බුක් ගිණුම පවා යාවත්කාලීන කිරීමක් සිදු කොට තිබුණේ නැත.
කෙසේවෙතත් මේ සම්බන්ධයෙන් මව්රට පුවත්පත් අද දිනයේ අනාවරණය කිරීමත් සමග අමාත්යවරයාගේ ෆේස්බුක් ගිණුම හදිසියේම යාවත්කාලීන කිරීමට පියවර ගෙන තිබිණ.
ඒ අමාත්යවරයා චීනයේ සංචාරයක නිරක ව සිටින බවට පුවත සහ ඊට අදාළ ඡායාරූප පළ කිරීම හරහාය.
පහත පළවන්නේ එම නිවේදනයය.
චීන කොමියුනිට්ස් පක්ෂය විසින් සංවිධානය කරන ලද චීන සංචාරයේ දී, පසුගිය 12 වන දින චීන කොමියුනිට්ස් පක්ෂයේ Guanxi කමිටුවේ ලේකම් චෙන් ගන්ග් සහ තවත් එම ප්රාන්තයේ නිළධාරීන් කිහිප දෙනෙක් සමඟ සාකච්ඡාවකට සහභාගී වීමට ඉඩ ලැබුණි …!
ගුවන්ෂි ප්රාන්තයේ විශේෂත්වය පිලිබඳවත් එම කළාපයෙ හි ජීවත් වන ජනතාවගේ ආර්ථිකය නඟා සිටුවීම වෙනුවෙන් ගෙන ඇති පියවරයන් පිළිබදවත් එහි දී සාකච්ඡා කෙරුණි …!
විශේෂයෙන්ම මේ වන විට ලෝකය අත්පත් කර ගනිමින් ඉන්නා වූ කෘතිම බුද්ධිය හරහා කර්මාන්ත සහ සේවා සැපයීමේ නව තාක්ෂණයන් පිළිබදවත් අග්නිදිග ආසියානු කලාපය තුල සහයෝගීතාවය ප්රවර්ධනය කරලීම වෙනුවෙන් ගත හැකි ක්රියාමාර්ග පිළිබදවත් වැඩි දුරටත් සාකච්ඡා කිරීමට අපට ඉඩ ලැබුණි …!!
