මෙරට ප්රකෝටිපති ව්යාපාරික ධම්මික පෙරේරා මහතා විසින් කොළඹ කොටස් වෙළෙඳපොළේ ලැයිස්තුගත සමාගමක් වන හරිස්චන්ද්ර මිල්ස් පීඑල්සී හි 40%ක කොටස් හිමිකාරීත්වයක් අත්පත් කරගැනීමට කටයුතු කර තිබේ.Sri Lanka Latest News
එහිදී හරිස්චන්ද්ර මිල්ස් පීඑල්සීහි ප්රමුඛ කොටස් හිමියා වූ ආචාර්ය ටී. සෙන්තිල්වෙල් මහතාගේ ආයෝජන හස්තය වන Senthilverl Holdings (PVT) Ltd සතුව පැවැති කොටස් 778,946ක් එකක් රු. 3,300.00ක් බැගින් මිලදී ගැනීමට ධම්මික පෙරේරා මහතා කටයුතු කළ බව වෙළෙඳපොළ ආරංචි මාර්ග තහවුරු කර සිටී. මෙය රු. බිලියන 2.57ක ගනුදෙනුවකි.
මෙය ධම්මික පෙරේරා මහතා විසින් මෙම වසරේ ව්යාපාර අත්පත් කරගැනීමක් සිදුකළ සිවුවැනි අවස්ථාව වන අතර පසුගිය සැප්තැම්බර් මාසයේ ඔහුගේ ආයෝජන සමාගම වන වැලිබල් වන් හා අනුබද්ධ LB ෆිනෑන්ස් පීඑල්සී විසින් තවත් ලැයිස්තුගත මූල්ය සමාගමක් වූ Associated Motor Finance Company PLC සමාගමේ බහුතර කොටස් අයිතිය අත්පත් කරගන්නා බව නිවේදනය කර තිබිණි.
හරිස්චන්ද්ර ව්යාපාරය සැලකෙන්නේ ලංකාවේ පැරැණිතම කුළුබඩු නිෂ්පාදන ආයතනයක් ලෙසය.
