මෝටර් ධාරිතාව වෙනස් කොට බදු වංගුවක් ගසා ජෝන් කීල්ස් ආයතනය මගින් BYD වාහන ගෙන්වා ඇති බවට එල්ල වන චෝදනාව සම්බන්ධයෙන් ලංකා වාහන ආනයනකරුවන්ගේ සංගමයේ සභාපති ඉන්දික සම්පත් මෙරින්චිගේ මහතා විශේෂ ප්රකාශයක් සිදුකළේය.Sri Lanka Latest News
ඔහු කියා සිටියේ ජෝන් කීල්ස් ආයතනය වරදක් කර ඇති බව පෙනෙන්නට ඇති බවය.
නමුත් උගත්, බුද්ධිමත් හිටපු රාජ්ය ඇමැතිවරයකු ලෙස සැලකෙන ආචාර්ය හර්ෂ ද සිල්වා මුදල් කමිටුවේදී ඒ සම්බන්ධයෙන් කළ ප්රකාශය කිසිසේතම පිළිගත නොහැකි බවද ඒ මහතා පැවසීය.
එය අනිසි ප්රකාශයක් බවත්, වංචාවක් සිදුව ඇත්නම් ජාත්යන්තර රටවල් සුද්ද කළ යුතු නැති බවත් පෙන්වා දුන් ඒ මහතා ජාත්යන්තරයද බලාපොරොත්තු වන්නේ විනිවිද බවින් යුතුව කටයුතු කිරීම බවද පෙන්වා දුන්නේය.
වත්මන් ආණ්ඩුව අවංකව කටයුතු කරන නිසා වෙනත් රටවල්ද විනිවිද බවින් යුතුව කටයුතු කළ යුතු බවද ඒ මහතා අවධාරණය කළේය.
ප්රධාන පෙළේ ආයකනයක් කළ වැරැද්දක් වෙනුවෙන් පෙනී සිටිමින් උගත්, බුද්ධිමත් මන්ත්රීවරයකු පෙනී සිටීම විශ්වාස කළ නොහැකි බවද ඒ මහතා පෙන්වා දුන්නේය.
අනිවාර්යයෙන්ම මෙම BYD වාහන සියල්ල බදු වංගුවක් ගසා ඇති බව ඔප්පු වුවහොත් ගැසට් නිවේදනයට අනුව ප්රතිඅපනයනය කළ යුතු බවද ඒ මහතා සදහන් කළේය.
