2029 වසරේ පැවැත්වෙන ජනාධිපතිවරණයට අපේක්ෂකයකු වශයෙන් ඉදිරිපත් වීමට එක්සත් ජාතික පක්ෂ නායක රනිල් වික්රමසිංහ මහතා සූදානමින් සිටින බව එම පක්ෂ අභ්යන්තර ආරංචි මාර්ග සඳහන් කරයි.Sri Lanka Latest News
පසුගිය බ්රහස්පතින්දා (11) පැවැති එජාප කෘත්යාධිකාරී මණ්ඩල රැස්වීමෙන් අනතුරුව මාධ්ය හමුවේ අදහස් දැක්වූ කිහිප දෙනෙක්ම මේ බව තහවුරු කරමින් කියා සිටියේ රනිල් වික්රමසිංහ මහතා ජනාධිපති ධුරය භාරගැනීමට මේ වනවිට සූදානමින් සිටින බවකි.
කෙසේ වෙතත් මෙහි ඇති විශේෂත්වය වන්නේ ලබන 2029 වසර වනවිට රනිල් වික්රමසිංහ මහතාගේ වයස අවුරුදු 80 ඉක්මවා තිබීමය.
එමෙන්ම දැනට ඒ මහතා සිටින්නේද විවෘත හෘදය සැත්කමකට භාජනය වීය.
කෙසේ වෙතත් රනිල් වික්රමසිංහ මහතා පළමු වරට ජනාධිපතිවරණයකට ඉදිරිපත් වූයේ 1999 වසරේදීය. ඉන් ඒ මහතා චන්ද්රිකා බණ්ඩාරනායක මහත්මිය හමුවේ පරාජයට පත්විය.
ඉන් අනතුරුව නැවත වතාවක් 2005 වසරේ ජනාධිපතිවරණයට ඉදිරිපත් වූ රනිල් වික්රමසිංහ මහතා මහින්ද රාජපක්ෂ මහතා හමුවේද පරාජයට පත්විය. ඒ අවස්ථා දෙකේදීම රනිල් වික්රමසිංහ මහතා තරග වැදුණේ විපක්ෂ නායකවරයා වශයෙනි.
කෙසේ වෙතත් 2024 වසරේ රනිල් වික්රමසිංහ මහතා ජනාධිපතිවරයා වශයෙන් සිටියදීම ජනාධිපතිවරණයට ඉදිරිපත් වූ නමුත් එහිදීද ඔහු පරාජයට පත්වූයේ තුන්වැනි ස්ථානයට ඇදවැටී වාර්තාවක්ද තබමිනි.
