කෝප් කමිටුවට තොරතුරු ලබා දුන් බවට සැක කරමින් ඇල්කඩුව වැවිලි සමාගමේ ප්රධානීන් එහි සේවය කරන ඇතැම් නිලධාරීන් පසුපස පැන්නීමට කටයුතු කරමින් සිටින බව එහි අභ්යන්තර ආරංචිමාර්ග සදහන් කරයි.Sri Lanka Latest News
පසුගිය දා පැවැති කෝප් කමිටු රැස්වීමේදී ඇල්කඩුව වැවිලි සමාගමේ සිදුව ඇතැයි කියන වංචා දූෂණ රැසක තොරතුරු හෙළිදරව් කිරීමට පක්ෂ විපක්ෂ මන්ත්රීවරුන් රැසක් කටයුතු කොට තිබිණ.
එහිදී සාක්ෂි සහිතවම එම තොරතුරු අනාවරණය කිරීමට මන්ත්රීවරුන් පියවර ගෙන තිබිණ.
ඉන් අනතුරුව මෙම මන්ත්රීවරුන්ට තොරතුරු ලබා දී ඇති බව කියමින් ඇල්කඩු වතුයායේ ප්රධානීන් ඇතැම් සේවකයන් පසුපස පැන්නීමට පියවර ගෙන ඇති බව දනගන්නට තිබේ.
කෙසේවෙතත් ඉදිරියේදී මෙම සමාගමේ සිදුව ඇතැයි කියන තවත් වංචා දූෂණ රැසක තොරතුරු රටට හෙළිදරව් කිරීමට මෙහි සේවකයන් සැලසුම් කර ඇති බවද දැනගන්නට ඇත.
ඒ අනුව ජනාධිපතිවරයා වෙතත්, විපක්ෂනායකවරයා වෙතත්, ජවිපෙ නායක අනුර කුමාර දිසානායක මහතා වෙතත් ඊට අදාළ ලිපිගොනු ලබා දීමට මෙම සේවකයන් තීරණය කොට ඇති බවද වාර්තා වේ.
