පවතින අර්බුදකාරී තත්ත්වය සම්බන්ධයෙන් ජනාධිපති ගෝඨාභය රාජපක්ෂ මහතා හා ෆීල්ඩ් මාෂල් සරත් ෆොන්සේකා මහතා අතර ඊයේ රාත්රියේදී දීර්ඝ සාකච්ජාවක් පැවැත්වී ඇත.
මෙහිදී ජනාධිපතිවරයා සාකච්ජා සදහා ෆොන්සේකා මහතාට ආරාධනා කොට ඇති අතර ෆොන්සේකා මහතා ඒ පිළිබදව විපක්ෂ නායක සජිත් ප්රේමදාස මහතා දැනුවත් කොට සාකච්ජා සදහා පිටත්ව ගොස් ඇති බව දැනගන්නට තිබේ.
මෙම සාකච්ජාව පැය 2ක් පුරා පැවති බවක් දැනගන්නට තිබේ.
මෙහිදී දැනට රට තුළ මතුව ඇති ආරක්ෂක තත්ත්වය සම්බන්ධයෙන් දීර්ඝව සාකච්ජා වී ඇති අතර අගමැති ධූරය බාරගන්නා ලෙස ජනාධිපතිවරයා ෆොන්සේකා මහතාගෙන් ඉල්ලීමක් කොට ඇති බවද දැනගන්නට ඇත.
මෙහිදී ෆොන්සේකා මහතා ජනාධිපතිවරයාට අනතුරු ඇගවීමක් කරමින් පෙන්වා දී ඇත්තේ වැරදි තීන්දු නොගන්නා ලෙසත්, එළියේ තත්ත්වය බරපතළ බවත්ය.
ඒ අනුව මෙම සාකච්ජාවේ තොරතුරු ෆොන්සේකා මහතා මධ්යම රාත්රියේම සජිත් ප්රේමදාස මහතාට දැනුම් දීමටද ෆොන්සේකා මහතා කටයුතු කොට ඇති බවද දැනගන්නය තිබේ.
