ඇරැව්වල ධර්මපාල විද්යාලයේ ක්රීඩා පිටියේ සෙල්ලම් කරමින් සිටි සිසුවකු පන්දුව අසල වත්තකට යාම නිසා එය නැවත ලබා ගැනීමට යාමේදී වෛද්යවරයෙකු විසින් වායු රයිෆලයකින් වෙඩි තැබීම හේතුවෙන් එම සිසුවා තුවාල ලබා රෝහල් ගත කොට ඇත.
පොලිසිය පැවසුවේ මෙම සිදුවීම ඊයේ සවස සිදුවී ඇති බවයි.
මෙලෙස පාසැල් සිසුවාට වෙඩි තබා ඇත්තේ මහරගම අපේක්ෂා රෝහලේ සේවය කරනු ලබන වෛද්යවරයෙකු වන අතර ඔහුව මහරගම පොලිසිය විසින් අත්අඩංගුවට ගෙන ඇත.
තුවාල ලැබූ පාසැල් සිසුවා කළුබෝවිල රෝහලට ඇතුලත් කර ඇති අතර ඔහුගේ තත්ත්වය බරපතළ නොවන බව රෝහල් ආරංචි මාර්ග සඳහන් කළේය.
අත්අඩංගුවට ගනු ලැබූ සැකකාර වෛද්යවරයා අද දිනයේදී නුගේගොඩ මහේස්ත්රාත් අධිකරණය හමුවට ඉදිරිපත් කිරිමට නියමිතය.