ජනාධිපති ගෝඨාභය රාජපක්ෂ මහතාගේ ප්රධානත්වයෙන් නිදහස් චතුරශ්රයේදී මේ වනවිට පැවැත්වෙන 73 වන නිදහස් සමරු උළෙලට විපක්ෂ නායක සජිත් ප්රේමදාස මහතා සහභාගී වී සිටීම විශේෂ සිදුවීමක් ලෙස දැකගන්නට පුළුවන.
පසුගිය දින කිහිපය පුරාම විපක්ෂ නායකවරයාට නිදහස් උළෙලට ආරාධනා ලැබීම සම්බන්ධයෙන් සමගි ජන බලවේගය ඇතුළේ සංවාදයක් පැවැති අතර ඇතැමුන් එහිදී පෙන්වා දී තිබුණේ භාෂණයේ නිදහස අහිමි කිරීමට විරෝධය පා විපක්ෂය නිදහස් උළෙල වර්ජනය කළ යුතු බවකි.
නමුත් සජිත් ප්රේමදාස මහතා පක්ෂයට පෙන්වා දී තිබුණේ මෙය දේශපාලනික උත්සවයක් නොවන බවත්, ජාතික උත්සවයක් බවත්, ඒ හේතුවෙන් විපක්ෂ නායකවරයා ලෙස එම උත්සවයට සහභාගී වීම සදහා ප්රතිපත්තිමය තීන්දුවක් ගත යුතු බවත්ය.
ඒ අනුව අවසානයේදී සමගි ජන බලවේගය ජාතික නිදහස් උළෙලට සහභාගී විය යුතු බවට ප්රතිපත්තිමය තීන්දුවක් ගැනීමට එම පක්ෂය පියවර ගෙන ඇත.
විපක්ෂනායවරයා නිදහස් උළෙලට සහභාගී වී ඇත්තේ ඒ අනුවය.
