දරුවන්ගේ අධ්‍යාපනය සුරක්ෂිත කරන HNB ඇෂුවරන්ස් StudyGuard රක්ෂණ සැලසුම

HNB ඇෂුවරන්ස් PLC (HNBA) විසින්, ශ්‍රී ලාංකික දූ දරුවන් හා මවුපියන් හට අතිවිශේෂ රක්ෂණ සැලසුමක් වන StudyGuard හඳුන්වාදෙන ලදී. මෙම සැලසුම තුළ අන්තර්ගත වී ඇති වටිනා විශේෂාංග මඟින් මවුපියන් හට, තම දරුවන් උදෙසා ඔවුන් සතු අධ්‍යාපනික කඩඉම් ජයගැනීමටත්, එමගින් ඔවුන්ගේ අනාගත සිහින සැබෑ කිරීමටත් අවශ්‍ය මූල්‍ය සවිය සලසා දෙයි.

HNBA සහ එහි පූර්ණ අනුබද්ධිත සමාගමක් වන HNB ජෙනරල් ඉන්ෂුවරන්ස් ලිමිටඩ් (HNBGI) හි ප්‍රධාන විධායක නිලධාරි ප්‍රසන්ත ප්‍රනාන්දු මහතා StudyGuard පිළිබඳ අදහස් බෙදාගනිමින්, “අද අපේ දූ දරුවන් ඔවුන් නියැළෙන ඕනෑම ක්‍රියාවක් දිහා බලන්නේ ජයග්‍රාහී අභිලාෂයකින්. ඔවුන් සෑම විටම උත්සාහ කරන්නේ ලෝකය ජයගෙන, සමාජයට ආදර්ශවත් චරිත බවට පත්වීමටයි. මවුපියන් ලෙස, ඔබේ වගකීම් අසීමිතයි වගේම, දරුවාගේ අනාගතය සුරක්ෂිත කිරීමට ඔබ ඉහළ ප්‍රමුඛතාවයක් දෙන බව අපි දන්නවා. මේ නිසාම තමයි HNBA වෙතින් ඔබේ දරුවන්ට අඛණ්ඩ පාසල් අධ්‍යාපනයක් සලසා දීමේ ක්‍රමවේදයක් ලෙස StudyGuard නිර්මාණය කළේ” යනුවෙන් සඳහන් කළේය.